समाचारहरू

मझौलिया गाविस-४ का वाइसीएल नेता ३१ वर्षीय लालु खानमाथि फागुन १ गते बिहान अज्ञात समूहले गोली प्रहार गरी घाइते बनाएको छ ।

 

खान 'जनयुद्ध' दिवसको अवसरमा एकीकृत माओवादी केन्द्रले आयोजना गरेको कार्यक्रममा जाँदै गर्दा मिर्चैया-२ स्थित नहर चोकमा मोटरसाइकलमा आएका अज्ञात समूहको अक्रमणमा परेका थिए ।

 

पीडितको प्राथमिक उपचार मिर्चैयास्थित मङ्गलम अस्पतालमा भए पनि थप उपचारको लागि उनलाई धरानस्थित विपी कोइराला विज्ञान प्रतिष्ठान लगि उपचार भइरहेको माओवादी केन्द्रका जिल्ला इन्चार्ज हरिनारायण चौधरीले बताए ।

 

इलाका प्रहरी कार्यालय मिर्चैयाका डिएसपी गजुसिद्धि बज्रचार्यले पीडित खानलाई दुई ठाउँमा गोली लागेको घाउ भेटिएको बताए । डिएसपी बज्राचार्यले गोली हान्ने समूहको खोजि कार्य भइरहेको बताए ।

दुर्गा परियार