समाचारहरू

राप्ती सोनारी गाँउपालिका-१ का वडा सदस्य ५२ वर्षीय टीकाराम बस्नेत साउन २३ गते राति अज्ञात समूहले गरेको आक्रमणबाट घाइते भएका छन् ।

पीडित आफ्नै घरमा बसेको अवस्थामा तीन जनाको सङ्ख्यामा आएका अपरिचत व्यक्तिले तपाइसँग एक छिन काम छ बाहिर आउनुस भन्दै बोलाएको र घरबाट केही टाढा पुगेपछि दुई जना व्यक्ति थप भई पाँच जना व्यक्तिले कुटपिट गरेको पीडितले बताए ।

कुटपिट गर्न थालेपछि पीडित कराएको आवाज आएपछि पीडितका आफन्तहरूले सुनेर आउँदा घटनामा संलग्न व्यक्ति भागेको टीकारामले बताए ।

अज्ञात समूहले कानमा बन्दुक राखेर कुटपिट गरेको घाइतेले बताएका छन् । घाइतेको कोहलपुर मेडिकल कलेजमा उपचार भइरहेको छ । पीडतको दाहिने गोडामा चक्कु प्रहार गरेको र बाँया गोडा भाँचिएको छ भने शरीरका अन्य भागमा निल डामहरू छन् ।

आफूलाई फोनबाट नेपाल कम्युनिष्ट पार्टी माओवादीका कार्यकर्ता सन्तोष बस्नेत भन्ने व्यक्तिले समय समयमा धम्की दिने गरेको बताउँदै उनले नै घटना गराएको हुनसक्ने घाइतेको आरोप छ ।

पीडित पक्षले साउन २४ गते इलाका प्रहरी कार्यालय कोहलपुरमा उजुरी दिएको छ । घटनामा संलग्न व्यक्तिले प्रयोग गरेको भे १ च १७३६ नम्बरको कार नियन्त्रणमा लिएको र घटनाको अनुसन्धान भइरहेको इलाका प्रहरी कार्यालय कोहलपुरका डिएसपी सुरेश काफ्लेले बताए ।

विनोद पाण्डे