अज्ञात समूहद्वारा पिकअप गाडीमा आगजनी

 

मेची राजमार्ग अन्तर्गत इलाम नगरपालिका-४ पुवाखोलामा वैशाख २२ गते विहान साढे दुई बजेतिर एउटा पिकअप गाडीमा अज्ञात समूहले आगजनी गरेको छ ।

झापाबाट प्याज लिएर पाँचथर जाँदै गरेको को १ च ७८१५ नम्बरको गाडीमा पुवाखोलानजिकै पुगेपछि 'नकावधारी' ४-५ जनाको समूहले गाडी चालकलाई गाडीबाट निकालेर आगो लगाइदिएको जिल्ला प्रहरी कार्यालय इलामले जनाएको छ ।

राजमार्गछेउको जङ्गलबाट निस्किएको समूहले गाडीमा आगजनी गरेको र आगजनीबाट करिब २ लाख रुपियाँ बराबरको क्षति भएको जिल्ला प्रहरी कार्यालयका डिएसपी रमेश बस्नेतले जानकारी दिए । आगजनी गर्ने समूहको खोजी भइरहेको डिएसपी बस्नेतको भनाई छ ।


कोकिला ढकाल