अज्ञात समूहद्वारा टाउकोमा भाला रोपी व्यवसायीको हत्या

 

चन्द्रपुर नपा-१० बडहरवा टोलका ४२ वर्षीय वीरेन्द्र साहलाई असोज १२ गते राति अज्ञात समूहले टाउकोमा भाला रोपेर हत्या गरेका छन् ।

मौलापुर नगरपालिका-५ मा चिरान मिल सञ्चालन गर्दै आएका साहलाई मिल छेउमै खुल्ला आकाशमुनी झुल लगाएर सुतेको स्थानमा अज्ञात समूहले टाउकोमा भाला रोपेर हत्या गरेको जिल्ला प्रहरी कार्यालय रौतहटले जनाएको छ ।

मृतकको शव पोष्टमार्टमका लागि जिल्ला अस्पताल गौरमा राखिएको र घटनाको अनुसन्धान भइरहेको जिल्ला प्रहरी कार्यालय रौतहटका एसपी यज्ञविनोद पोखरेलले जानकारी दिए ।


विपिन गौतम