अज्ञात समूहद्धारा प्रहरी चौकी आक्रमण दुईजना प्रहरी घाइते
पाँचपोखरी थाम्पाल गाउँपालिका–८ मा रहेको तिपेनी प्रहरी चौकीमा ०७६ माघ २५ गते बिहान एक बजेको समयमा अज्ञात समूहले ढुङ्गामुढा गरी आक्रमण गरेका छन् । आक्रमणबाट चौकीका इन्चार्ज असई सन्तोषकुमार झा र प्रहरी हवल्दार हरिबहादुर मगर घाइते भएका छन् ।
मोटरसाइकल चढेर आएका ८÷१० जनाको समुहले प्रहरी चौकीमा ढुङ्गामुढा गरी आक्रमण गरेको जिल्ला प्रहरी कार्यालयले जनाएको छ । आक्रमणबाट घाइते भएका असई सन्तोषकुमार झालाई उपचारकोलागी काठमाण्डौ स्थित प्रहरी अस्पताल माहाराजगंज लगिएको छ भने प्रहरी हवल्दार हरिबहादुर मगरको मेलम्ची स्थित प्राथमिक उपचार केन्द्रमा उपचार भइरहेको जिल्ला प्रहरी कार्यालयका एसपी प्रज्वल महर्जनले बताउनुभयो ।
पाँच जना सुरक्षाकर्मी रहेको उक्त प्रहरी चौकी आक्रमणको सूचना पाएपछि तत्काल सदरमुकाम चौतारा र इलाका प्रहरी कार्यालय मेलम्चीबाट थप सुरक्षाकर्मीको टोली घटनास्थलमा पुगेर घटनाको अनुसन्धान शुरु गरेको जिल्ला प्रहरी कार्यालयका एसपी प्रज्वल महर्जनले बताउनुभयो । घाइते असईको टाउको, अनुहार र कम्बरमा चोट लागेको प्रहरीले जनाएको छ । आक्रमणकारीको पहिचान हालसम्म नखुलेको एसपी महर्जनले बताउनुभयो । आक्रमणको जिम्मा हालसम्म कसैले लिएको छैन ।
नातिबावु धिताल
सम्बन्धित समाचारहरू
ज्येष्ठ नागरिकहरू सामाजिक सुरक्षा भत्ताबाट वञ्चित
स्थानीय सरकार सञ्चालन ऐन, २०७४ मा ज्येष्ठ नागरिकहरूको सहारा र गरिबी निवारणका लागि सामाजिक सुरक्ष र गरिबी निवारण सम्बन्धी स्थनीय सामाजिक सुरक्षा योजना र व्यवस्थापनको सुनिश्चित गरिएको छ । तर,…
कोशी प्रदेशका कारागारमा क्षमताभन्दा बढी कैदीबन्दी, सुधारगृह हुन सकेनन् कारागार
अदालत वा न्याय निरूपण गर्ने निकायबाट कसुरदार ठहर भएका व्यक्तिहरूलाई सजायसँगै सुधारका लागि राज्यले कारागारलाई सुधारगृह भनेपनि कोशी प्रदेशका अधिकांश जिल्लाका कारागार सुधारगृहका रूपमा रूपान्तरण हुन सकेका छैनन् । कारागारमा…
बलात्कारपछि हत्या घटनाका आरोपित गिरफ्तार
अमरगढी नगरपालिका–७ पोखराकी १४ वर्षीया बालिका आरती भट्टराईलाई ०८१ असोज २५ गते बलात्कार गरी हत्या गरेको आरोपमा प्रहरीले सोही ठाउँका ५८ वर्षीय टेक भण्डारीलाई असोज २६ गते गिरफ्तार गरेको छ…
भिडियो एक्सरे मेसिन नबनाउँदा बिरामीलाई सास्ती
जिल्ला अस्पताल तेहृथुममा भिडियो एक्सरे मेसिन बिग्रिएको र मर्मत सम्भार नगरिँदा बिरामी तथा सेवाग्राहीहरूले सास्ती खेप्नु परेको छ । अस्पताल प्रशासनले एक्सरे मेशिन बिग्रिएको र दशैँमा मर्मत नहुुने भन्दै सार्वजनिक…
इन्सेकद्वारा जिल्ला कारागारको अनुगमन
अनौपचारिक क्षेत्र सेवा केन्द्र (इन्सेक) ले असोज २६ गते जिल्ला कारागारको अनुगमन गरेको छ । अनुगमनका क्रममा इन्सेककर्मीसँग कैदीबन्दीहरूले परिवारजनसँग भेटघाट गरी टीका लगाउने र खानपिन गर्न पाउने प्रबन्ध गरको…
