समाचारहरू

राजस्व तथा भन्सार सुरक्षा गुल्म गड्डाचौकीमा कार्यरत सशस्त्र प्रहरी बलका ३३ वर्षीय सहायक हवल्दार नरेन्द्र कुँवरको भदौ ८ गते बिहान भीमदत्त नगरपालिका-६ नहरमा टाउकोमा ढुङगाले हानेर हत्या गरेको अवस्थामा शव फेला परेको प्रहरीले जनाएको छ ।

भीमदत्त नगरपालिका-३ का कुँवर भदौ ७ गते राति ड्यूटी सकेर घर गइरहेको अवस्थामा मध्यरातमा हत्या भएको हुनसक्ने प्रहरीले अनुमान गरेको छ । हत्या गरिएका कुँवरले चढेको म २ प ६२३ नम्बरको मोटरसाइकल पनि नहर किनारमा भेटिएको छ ।

उक्त घटनाको अनुसन्धान भइरहेको जिल्ला प्रहरी कार्यालय, कञ्चनपुरका एसपी प्रकाशबहादुर चन्दले बताए ।

घटनामा संलग्न अपराधी पत्ता लगाई यथाशीघ्र कारबाही गर्न माग राख्दै कुँवरका आफन्तहरूले प्रदर्शन र राजमार्गमा चक्काजाम गराएका छन् । शवको पोष्टमार्टम महाकाली अञ्चल अस्पतालमा भदौ ८ गते भएको छ ।

कोमलनिरन्जन भाट