समाचारहरू

हनुमाननगर कङ्कालिनी नपा-५ मा कर्तव्य गरी हत्या गरेको अवस्थामा मङ्सिर ५ गते अन्दाजी २५ वर्षीया 'अपरिचित' महिलाको शव फेला परेको छ ।

कोशी बाँधको पक्की बाटोमा रहेको कोशी बाँधको नोज नं. ४३० को पूर्व भित्तामा टाउको, हातगोडा काटी फालेको अवस्थामा अज्ञात महिलाको शव फेला परेको जिल्ला प्रहरी कार्यालयले जनाएको छ ।

एसपी मुकेशकमार सिंहका अनुसार हातगोडा, टाउको काटिएको शरीरको भाग, सोदेखि १३२ फिट पश्चिममा दाहिने गोडाको घुँडाभन्दा तलको भाग, सोदेखि १९४ फिट उत्तर बायाँ हातको कुहिना भन्दा तलको भाग, दायाँ हात रहेको स्थानदेखि ११९ फिट पूर्व हड्डी मात्र रहेको महिलाको टाउको क्षतविक्षत अवस्थामा फेला परेको हो ।

शवको नजिकै हरियो, रातो, गुलावी रङको बुट्टे सल, कपाल बाँध्ने हरियो आकाशे रङ्गको चिम्टी, रगत लत्तपत्तिएको सेतो रङ्गको बोरा र बोरा भित्र गुलाबी रङ्गको ब्लाउजको टुक्रा फेला परेको छ ।

शवलाई पोष्टमार्टमका लागि मङ्सिर ५ गते नै धरानस्थित विपी कोइराला स्वास्थ्य विज्ञान प्रतिष्ठान पठाइएको जिल्ला प्रहरी कार्यालयका सई हरी खड्काले जानकारी दिए ।

मनोहरकुमार पोखरेल