समाचारहरू

बोवाङमा एक बृद्ध दम्पतिको विभत्स हत्या भएको छ । साउन २५ गते राति ढोरपाटन नगरपालिका–८ बोवाङका ६८ वर्षीय भानबहादुर कामी र उनकी पत्नी ६० वर्षीया विमा कामीलाई अज्ञात पक्षले धारिलो हतियार प्रयोग गरी हत्या भएको जिल्ला प्रहरी कार्यालय बागलुङका प्रहरी प्रमुख एसपी नवराज भट्टले जानकारी दिए ।

स्थानीयले साउन २६ गते बिहान प्रहरीलाई खबर गरेपछि इलाका प्रहरी कार्यालय बुर्तिवाङको टोलीले घटनास्थलको प्रारम्भिक अनुसन्धान गर्दा बञ्चरो प्रहार गरेर बृद्ध दम्पतिको हत्या गरेको देखिएको र थप अनुसन्धान भइरहेको भट्टले बताए ।

भानबहादुरको शव घर नजिककैको मकै बारी र विमाको शव घरभित्रै भेटिएको र पोष्टमार्टमको लागि वुर्तिवाङ स्वास्थ्य चौकीमा ल्याइएको उनले बताए ।

‘हामीले सूचना पाउने बित्तिकै घटनास्थलमा पुगेर अनुसन्धान सुरू गरिसकेका छौँ ।’–भट्टले भने–‘अपराधि चाँडै हाम्रो नियन्त्रणमा हुनेछ ।’

सिर्जना पन्त