अज्ञात पक्षद्वारा स्काभेटरमा आगजनी

  ०८० साउन ६ गते

थुलुङदूधकोशी गाउँपालिकामा अज्ञात समूहले स्काभेटरमा आगजनी गरेको प्रहरीले जनाएको छ ।

दूधकोशी हाइड्रोपावरले प्रयोग गर्ने बाटो निर्माणमा प्रयोग गरिएको रादुर कन्स्ट्रक्सन कम्पनीको स्काभेटरमा अज्ञात पक्षले ०८० साउन ४ गते आगजनी गरेको प्रहरीले जनाएको छ ।

सडक निर्माणका लागि प्रयोग गरिएको स्काभेटरमा अज्ञात समूहले आगजनी गरेको जिल्ला प्रहरी कार्यालयका इन्स्पेक्टर रामकिशोर साहले बताउनु भयो ।

थुलुङदूधकोशी गाउँपालिका–४ बादे पुलदेखि दूधकोशीहाइड्रोपावर–२ पञ्चमसम्मको बाटो निर्माणका प्रयोग भइरहेको स्काभेटरमा अज्ञात पक्षले आगजनी गरेको इन्स्पेक्टर साहले बताउनु भयो ।

आगजनीका कारण स्काभेटरको अगाडिको भागमा पूर्ण रूपमा क्षति पुगेको छ । आगजनीबाट २० देखि ३५ लाख रुपियाँ मूल्य बराबरको क्षति भएको प्रहरीले जनाएको छ ।

घटनामा संलग्नहरूको खोजी थालिएको जिल्ला प्रहरी कार्यालयले जनाएको छ ।


इन्सेक कोशी प्रदेश कार्यालय, विराटनगर