अज्ञात पक्षद्वारा वृद्धाको हत्या

  ०७९ असोज १ गते

धरान उपमहानगरपालिका–२० की ६५ वर्षीया पूर्णिमाया राईको अज्ञात पक्षले हत्या गरेको प्रहरीले जनाएको छ ।

धरान उपमहानगरपालिका–२० चिण्डेडाँडामा बस्दै आउनु भएकी राईको भदौ ३० गते अज्ञात पक्षले हत्या गरेको जिल्ला प्रहरी कार्यालयले जनाएको छ ।

एक्लै बस्दै आउनु भएकी वृद्धाको भदौ २९ गते नै अज्ञात पक्षले हत्या गरेको तर भदौ ३० गते मात्र घटनाका विषयमा प्रहरीले जानकारी पाएपछि घटनाका विषयमा अनुसन्धान थालिएको इलाका प्रहरी कार्यालय धरानका डिएसपी वुद्ध श्रेष्ठले बताउनु भयो ।

शवको पोष्टमार्टम भदौ ३१ गते वीपी कोइराला स्वास्थ्य विज्ञान प्रतिष्ठान धरानमा गरिएको छ ।


जयकृष्ण यादव