समाचारहरू

पौवादुङमा गाउँपालिका-१ श्यामशिलाको वडा कार्यालयमा अज्ञात पक्षले कात्तिक २१ गते तोडफोड गरेको प्रहरीले जनाएको छ ।

पौवादुङमा गाउँपालिका-१ श्यामशिलाको वडा कार्यालयमा अज्ञात पक्षले ०८० कात्तिक २१ गते तोडफोड गरेको जिल्ला प्रहरी कार्यालयका इन्स्पेक्टर विशाल लिम्बूले बताउनु भयो ।

कार्यालयको मुख्य गेटको ताल्चा फुटाएर कार्यालय भित्रको सामग्री तोडफोट भएको वडाध्यक्ष राजेन्द्र तामाङले बताउनु भयो ।

कार्यालयमा प्रिन्टर,इन्भटर, दराजसँगै झ्याललगायत सामग्री फुटाइएको वडाध्यक्ष तामाङको भनाइ छ । तोडफोडबाट १ लाख ५० हजार रुपियाँ बराबरको क्षति भएको वडाध्यक्ष तामाङले बताउनु भयो । कर्मचारी बस्ने कोठामा पस्न नपाएकाले धेरै क्षति हुनबाट जोगिएको वडाध्यक्ष तामाङको भनाइ छ ।

घटनाको विषयमा कारबाहीको माग गर्दै ०८० कात्तिक २२ गते जिल्ला प्रहरी कार्यालयमा उजुरी दिएको वडाध्यक्ष तामाङले बताउनु भयो

घटनाका विषयमा अनुसन्धान थालिएको इन्स्पेक्टर विशाल लिम्बूले बताउनु भएको छ ।

गणेश विष्ट