समाचारहरू

मनोसामाजिक समस्या हुनु भएकी भोक्राहा नरसिंह गाउँपालिका-१ की ४२ वर्षीया सैफुन खातुनको अज्ञात पक्षले हत्या गरेको प्रहरीले जनाएको छ ।

इनरुवा नगरपालिका-३ गणेशपुर जाने बाटो नजिकै ०८१ साउन १८ गते खातुनको हत्या गरिएको अवस्थामा शव फेला परेको जिल्ला प्रहरी कार्यालयका डिएसपी नवीनकृष्ण भण्डारीले बताउनु भयो ।

मृतकको शरीरमा चोट देखिएकाले अज्ञात पक्षले हत्या गरेर फालेको अनुमान गरिएकोे डिएसपी भण्डारीले बताउनु भयो ।

शरीरभरी चोट देखिएकाले साउन १७ गते राती दिदीको हत्या भएको मृतका भाइ काशिम मियाँको भनाइ छ । शवको पोष्टमार्टम वीपी कोइराला स्वास्थ्य विज्ञान प्रतिष्ठान, धरान घोपामा साउन १९ गते गरिएको छ । पीडित पक्षले साउन १९ गते शव बुझी सद्गत गरेको छ ।

घटनामा संलग्नको पहिचान र खोजी थालिएको प्रहरीले जनाएको छ ।

जयकृष्ण यादव