समाचारहरू

थुलुङदूधकोशी गाँउपालिका–७ देउसा तेरादुखोरकी ५२ वर्षीया कुमारी राईको अज्ञात पक्षले हत्या गरेको प्रहरीले जनाएको छ ।

जेठ ११ गते अज्ञात पक्षले खुकुरी प्रहार गरी राईको हत्या गरेको हुन सक्ने जिल्ला प्रहरी कार्यालयका इन्स्पेक्टर रामकिशोर शाहले बताउनु भयो ।

पीडितको शरीरका विभिन्न भागमा चोट लागेको र अर्धनग्न अवस्थामा लास भेटिएकाले हत्या भएको इन्स्पेक्टर शाहको भनाइ छ ।

अर्धनग्न अवस्थामा लास फेला परेकाले बलात्कारपछि हत्या गरिएको हुन सक्ने थुलुङ दुधकोशी गाउँपालिका–७ की वडा सदस्य सरिता राईले बताउनु भयो ।

शवको पोष्टमार्टम जिल्ला अस्पतालमा गरिने तयारी गरिएको छ ।

अञ्जु कार्की