अज्ञात पक्षद्वारा बालिकाको हत्या

  ०८० फागुन २२ गते

खोटाङको ऐसेलुखर्क गाउँपालिका–६ स्थायी घर भइ पथरीशनिश्चरे नगरपालिका–७ लामाटोल बस्दै आएकी १५ वर्षीया बालिका ज्ञानुमती राईको अज्ञात पक्षले फागुन २१ गते राति हत्या गरेको प्रहरीले जनाएको छ ।

मामाको छोरा दाजुको घरमा बसी पञ्चायत उच्च माध्यमिक विद्यालयमा कक्षा सातमा अध्ययनरत बालिकाको फागुन २१ गते अज्ञात पक्षले खुकुरी प्रहार गरी हत्या गरेको जिल्ला प्रहरी कार्यालयले जनाएको छ ।

खुकुरी प्रहारबाट बालिकाको हत्या गरिएको र अहिले तालिम प्राप्त कुकुरको सहायतामा घटनाको अनुसन्धान थालिएको जिल्ला प्रहरी कार्यालयका एसपी नवराज कार्कीले बताउनु भयो ।

घटनाको सूचना स्थानीयले फागुन २१ गते राति १० बजे प्रहरीलाई दिएपछि घटनास्थलमा सुरक्षाकर्मी तैनाथी गरिएको छ ।


विनोद सुवेदी