समाचारहरू

पाख्रिबास नगरपालिका-६ का वडाध्यक्ष देवेन्द्र गुरागाँईको घरमा अज्ञात पक्षले मङ्सिर १६ गते राति आगजनी गरेको प्रहरीले जनाएको छ ।

घरको माथिल्लो तलमा सुतेको अवस्था अज्ञात पक्षले घरको तल्लो तलामा राखिएका कपडा भेला पारेर आगो लगाइ दिएको वडाध्यक्ष गुरागाँइले बताउनु भयो ।

आगो लगाए नजिक ग्यास सिलिण्डर राखिएको वडाध्यक्ष गुरागाँइले बताउनु भयो ।

कपडा जलेको गन्ध आएपछि उठेर हेर्दा आगो लागेको थाहा पाएको र छिमेकीसँग गुहार मागिएको वडाध्यक्ष गुरागाँईको भनाइ छ ।

ग्याँस सिलिण्डरसहित आगो लगाउन खोजिएकाले घटना शङ्कास्पद रहेको जिल्ला प्रहरी कार्यालयका डिएसपी राजबाबु महर्जनको भनाइ छ ।

 

ईश्वर थापा