समाचारहरू

जोरायल गाउँपालिका–३ चनकट्टेमा रहेको शिवपुर माध्यमिक विद्यालयमा फागनु ७ गते राति अज्ञात पक्षद्वारा तोडफोड गरिएको छ ।

मोटरसाइकलमा आएका अपरिचित व्यक्तिहरुले विद्यालय तोडफोड गरेको विद्यालयका कार्यालय सहयोगी महेश साउदले बताउनु भयो।

अज्ञात पक्षले विद्यालयको प्रशासन शाखामा लगाएको ताला तोडेर कार्यालयमा रहेका कम्पियुटर, ल्यापटपलगायत जिन्सी सामाग्री गरी झण्डै ७ लाख रुपियाँ बराबरको चोरी गरेर लगेको विद्यालयका प्रधानध्यपक पदम उपाध्ययले बताउनु भयो ।

विद्यालयमा तोडफोड गरी सामाग्री समेत चोरी भएको जानकारी फागनु ८ गते मात्रै थाहाँ हुन आएपछि घटनाका सम्बन्धमा इलाका प्रहरी कार्यालय, जोरायलमा जानकारी गराएको प्रधानध्यापक उपाध्यले बताउनु भयो ।

विद्यालयमा तोडफोड गरिनुको साथै विद्यालयको सम्पत्ती समेत चोरी भएको जानकारी प्राप्त भएपछि घटनास्थलमा प्रहरी टोली परिचालन गरी अनुसन्धान सुरु गरिएको इलाका प्रहरी कार्यालय, जोरायलका सई आनसिंह धामीले बताउनु भयो ।

घटनाको अनुसन्धान गर्दै जाँदा जोरायल गाउँपलिका–३ को भेलटुक्रा जङ्गलमा विद्यालयको ल्यापटप भेटिएको र घटनामा संलग्न पक्षको खोजी कार्य भइरहेको सई धामीले बताउनु भयो ।

गणेश जोशी