राष्ट्रिय परिचय–पत्र बनाउन सास्ती खेप्दै ज्येष्ठ नागरिक (फोटो फिचर)
सामाजिक सुरक्षा भत्ता लिनका लागि राष्ट्रिय परिचय–पत्र अनिवार्य हुनु पर्ने सरकारले निर्णय गरपछि राष्ट्रिय परिचय–पत्र बनाउनका लागि ज्येष्ठ नागरिकहरुले सास्ती खेप्नुपरेको छ । परिचय–पत्र बनाउन जिल्ला प्रशासन कार्यालय, कैलालीमा आएका ज्येष्ठ नागरिकहरु पोलो नपाएर रित्तै हात घरफर्किने र पुनः जिल्ला प्रशासन कार्यालयमा आउने उहाँहरुको दैनिकी नै बनेको छ ।
दिन भरी पालो कुरेर बस्दा समेत पालो नअएको राष्ट्रिय परिचय–पत्र बनाउन आउनुभएकी कैलारी गाउँपालिका– ७ की ८० वर्षीया लौटीदेवी चौधरीले गुनासो गर्नु भयो ।
उहाँले भन्नु भयो– ‘सामाजिक सुरक्षा भत्ता लीनका लागि अनिवार्य राष्ट्रिय पचिय पत्र बनाउनु पर्ने सूचना पाएदेखि छोरासँग जिल्ला प्रशासनमा आउने गरेकी छु । विहानैदेखि छोरा लाइनमा बस्दा समेत पालो आएको छैन् । पालो कुर्दाकुदै कार्यालय बन्द हुन्छ । दुई दिन वितिसक्दा समेत परिचय–पत्र बनाउन सकिएको छैन् ।’
सामाजिक सुरक्षा भत्ता रोकीन्छ की भन्ने डरले राष्ट्रिय परिचय–पत्र बनाउन दुई दिनदेखि जिल्ला प्रशासन कार्यालय, धनगढीमा बिहान ८ बजेदेखि लाइनमा बस्दा समते पलो नआएको र भोकभोकै परचय–पत्र बनाउन आउने गरेको गोदावरी नगरपालिका—७ लालपुरकी ८५ वर्षीया भन्ना विकले गुनासो गर्नु भयो ।
९० वर्षीया भरथरी चौधरीको एउटा खुट्टाले काम गर्न छोडेपछि बैशाखीको सहारामा हिडडुल गर्नु हुन्छ । राष्ट्रिय परिचय–पत्र नबाएको खण्डमा साउन महिनादेखि सामाजिक सुरक्षा भत्ता रोकिने डरले छोरासँगै जिल्ला प्रशासन कार्यालयमा आएको भए पनि पालो नअएका कारण परिचय–पत्र बन्न नसकेको बताउनु भयो ।
दुई दिनसम्म पालो कुरेर बसेको र पालो आएपछि आवश्यक कागजपत्र नपुगेको भन्दै फर्काइ दिएपछि आफूले थप सास्ती खेप्नुपरेको र सरकारले राष्ट्रिय परिचय–पत्र अनिवार्य गरेर ज्येष्ठ नागरिकलाई दुःख दिने काम गरेका उहाँले बताउनु भयो ।
जिल्ला पशासन कार्यालय कैलालीका सूचना अधिकारी शिवराज जोशीले दिनमा ३ सयको हाराहारीमा राष्ट्रिय परिचय–पत्र बनाउन ज्येष्ठ नागरिक, अपाङ्गता भएका व्यक्ति, एकल महिला, नयाँ नागरिकता लिने र वैदेशिक रोजगोरको श्रमस्विकृत लिन आउने गरेका कारण सेवा प्रभाव प्रभावकारी हुन नसकेका र एक दिनमा २ सय जनाको राष्ट्रिय परिचय–पत्र बनाउने गरेको बताउनु भयो ।
ज्येष्ठ नागरिकरुलाई परिचय–पत्र बनाउन समस्या भएपछि जिल्ला प्रशासन कार्यालय लगायत टिकापुर नगरपालिका र घोडाघेडी नगरपालिकाबाट पनि राष्ट्रिय परिचय–पत्र बनाउने गरेको बताउनु भयो ।
मन्त्रीपरिषद्को ०८१ जेठ २४ गतेको निर्णयनुसार साउन १ गतेदेखि सामाजिक सुरक्षा भत्ता नवीकरण गर्न ज्येष्ठ नागरिकहरुका लािग राष्ट्रिय परिचय–पत्र अनिवार्य गरेपछि जिल्ला प्रशासन कार्यालयमा राष्ट्रिय परिचय–पत्र बनाउन ज्येष्ठ नागरिकहरुले घण्टौँ लाइनमा बस्नु पर्ने बाध्यता सृजनाभएका छ ।
- मैनामोती चौधरी
सम्बन्धित फिचरहरू
खाेला र नदीमा जलवायु परिवर्तनकाे असर, माछा मारेरै जीविका चलाउनेहरू मर्कामा !
सात वर्ष अघिसम्म लेकवेशी नगरपालिका–८ का ८८ वर्षीय देवबहादुर थापा माछा मारेर आफ्नो जीविका चलाउनुहुन्थ्याे । उहाँले स्थानीय झुप्रा खोलामा जालले माछा मारेर बिक्री गर्नुहुन्थ्याे । जसले उहाँको जीविका राम्रै…
नदी उत्खनन्ले सोनाहाहरूको पेशा सङ्कटमा ! (फोटो फिचर)
बाहिर झिसमिसे उज्यालो छ । महिलाहरू खाना पकाउन व्यस्त छन् । पुरुषहरू भने गाई, भैँसी र बाख्रालाई गोठबाट बाहिर खुल्ला ठाउँमा सार्दै छन् । बिहान नहुँदै पुरा गाउँ बिउँझिएको छ…
राउटे समुदायलाई गास र बासको चिन्ता, प्रत्येक वर्ष घट्दै जनसङ्ख्या !
आफूलाई जङ्गलको राजा भनेर चिनाउने राउटे समुदाय जनसङ्ख्या हरेक वर्ष घटिरहेको छ । अहिले राउटे समुदायमा ४१ घरधुरी छन् । १ सय ३४ जना मात्रै सङ्ख्या छ । राउटेसँग काम…
‘देशलाई दृष्टि चढाएर अन्धकारमा बाँच्दैछु !’
एम–१६ छैन हातमा । न त लडाकु ड्रेस । १० वर्षे सशस्त्र युद्धमा ३२ बढी लडाईँ थेगेका पूर्वलडाकु सहायक कमाण्डर लालबहादुर वलीको दैनिकी हिजोआज एक थान लठ्ठीको साहारामा छ ।…
पोषण गृह नै व्यवस्थित नभएको आमाहरूको गुनासो ! (फोटो फिचर)
राप्ती स्वास्थ्य विज्ञान प्रतिष्ठानको पुरानो भवनको तेस्रो तलामा दुई आइसोलेशनसहित १० बेडको पोषण पुनःस्थापना गृह छ । एउटा कोठामा १० वेड राखेर सञ्चालन गरिएको पोषण गृहको ढोकामै सानो एउटा भान्सा…
