मधेस प्रदेश

१० वर्षीया बालिकालाई बलात्कार गरेको कसूरमा डाक्नेश्वरी नगरपालिका–३ हटेलका १९ वर्षीय चन्दनकुमार साहलाई फागुन ३० गते जन्मकैद सजायको फैसला भएको छ । जिल्ला न्यायधीश हर्कबहादुर क्षेत्रीको इजलासले साहलाई बलात्कार गरेको कसूर ठहर गर्दै जन्मकैद सजायको फैसला गरेको अदालतका सूचना अधिकारी भरतमणि पोखरेलले बताउनु भयो । बलिकाका बुबाआमा ज्याला मजदुरीका लागि…

२५ वर्षीया महिलालाई बलात्कार गरेको कसूरमा डाक्नेश्वरी नगरपालिका–८ का ३० वर्षीय सुन्दर मुखियालाई फागुन ३० गते ७ वर्ष कैद सजाय भएको छ । जिल्ला न्यायाधीश श्यामविहारी मौर्यको इजलाशले आरोपितलाई ७ वर्ष कैदका साथै पीडितका लागि ५० हजार रुपियाँ क्षतिपूर्ति दिनुपर्ने फैसला भएको अदालतले जनाएको छ । यसैगरी फौजदारी कसूर राहत…

वीरगंज महानगरपालिका–१७ अलौंमा ०७९ चैत ८ गतेदेखि हुन गइरहेको शतचण्डी महायज्ञ पूजामा दलित समुदायले आफूहरूलाई पनि सहभागी गराउनको लागि फागुन २९ गते प्रदर्शन गरेका छन् । अलौँमा २० वर्षपछि हुन लागेको शतचण्डी महायज्ञमा आफ्नो समुदायको पनि सहभागिता हुनुपर्ने मागसहित दलित समुदायका अगुवाहरू प्रर्साका सहायक प्रमुख जिल्ला अधिकारी भीमकान्त पौडेललाई ज्ञापन…

ईलाका प्रहरी कार्यालय महेन्द्रनगरको हिरासतको पर्खाल फुटएर ०७९ माघ १६ गते फरार भएका हातहतियार तथा खरखजाना मुद्दाका आरोपित ३६ वर्षीय शंकर सिंह महतोलाई फागुन २९ गते गिरफ्तार गरेको छ । थुनुवा कक्षबाट फरार भएका ६ जना मध्ये हालसम्म पाँच जनालाई गिरफ्तार गरेको जिल्ला प्रहरी कार्यालय धनुषाका डिएसपी वेदप्रसाद गौतमले जानकारी…

अनौपचारिक क्षेत्र सेवा केन्द्र (इन्सेक) मधेस प्रदेश कार्यालयद्वारा धनुषा र सप्तरी जिल्लाको पालिकाहरूमा सञ्चालित मानव अधिकार शिक्षा कार्यक्रम अन्तर्गत मधेस प्रदेशको प्रदेश स्तरीय बाल अधिकार समूह र मानव अधिकार समूह फागुन २९ गते जनकपुरधाममा आयोजित एक कार्यक्रमबीच गठन गरिएको छ । इन्सेक मधेस प्रदेशका संयोजक राजु पासवानको विशेष उपस्थितिमा गठन…

१७ वर्षीया बालिकालाई बलात्कार गरेको आरोपमा पर्सा गाउँपालिका–३ नारायणपुरका ३२ वर्षीय रामपुकार यादवविरुद्ध जिल्ला प्रहरी कार्यालय मलङ्गवामा फागुन २८ गते पीडित बालिकाका बुबाले उजुरी दिएका छन् । पीडित बालिकालाई आरोपितले फागुन २१ गते बलात्कार गरेको भन्दै जिल्ला प्रहरी कार्यालय मलङ्गवामा उजुरी दिएको पीडितका बुबाले बताए । घटनापछि आरोपित यादव भारततर्फ…

राजविराज नगरपालिका–३ की २५ वर्षीया आरती दासमाथि घरेलु हिंसा गरेको आरोपमा उहाँका पति २८ वर्षीय नविनकुमार दासलाई प्रहरीले फागुन २९ गते गिरफ्तार गरेको छ । पीडितलाई ०७९ माघ २३ गते उनका पतिसहित ससुरा ६२ वर्षीय घन्सी भनिने घनश्याम दास, निजकी पत्नी ५८ वर्षीया राजकुमारी देवी दास, निजका छोरीहरू ३८ वर्षीया…

वन डिभिजन कार्यालय बाराका वन अधिकृत ४९ वर्षीय विनोदकुमार सिंहलाई कोल्हवी नागरपालिका–५ का वडा अध्यक्ष ४५ वर्षीय नन्दकिशोर चौधरीले फागुन २७ गते अनुगमन स्थलमा दुर्व्यवहार गरेको आरोपमा वन कार्यालयको अनुगमन टोलीले कोल्हवी नगरपालिका–५ ककडी टोलबाट फागुन २७ गते गिरफ्तार गरेको छ । आरोपितले दुर्व्यवहार तथा गालीगलौज गरेको र डिभिजन वन…

राजविराज नगरपालिका–१ पडरियामा १९ वर्षीया बालिकाको २०७९ फागुन २५ गते राति हुन लागेको बालविवाह सप्तरी प्रहरीले रोकेको छ । स्थानीयवासीको सूचनाका आधारमा विवाहस्थल पुगेको प्रहरीले फागुन २५ गते राति विवाहस्थलबाटै बालिकाका बुबा उमेशप्रसाद साहलाई नियन्त्रणमा लिएपछि विवाह रोकिएको हो । बलिकाको विवाह सुनसरीको हरीनगर गाउँपालिका–३ का रामेश्वर साहका छोरा मोहनकुमार…

एपिवान टेलिभिजनका महोत्तरी संवाददाता जलेश्वरका ३१ वर्षीय नविन चौधरीलाई फागुन २४ गते साँझ समाचार सङ्कलन गरी घर फर्किने क्रममा अपरिचित समूहले बियरको बोतल प्रहार गरी घाइते बनाएको पीडित पक्षको आरोप छ । होली पर्वको समाचार सङ्कलनका लागि जलेश्वर नगरपालिका–५ चौरीया पुगेका पत्रकार चौधरीलाई घर फर्किने क्रममा अपरिचित समूहले आक्रमण गरेको…