अन्ततः संविधानसभामार्फत संविधान बनाउने नेपाली जनताको वर्षौँदेखिको चाहना पूरा हुने चरणमा पुगेको छ । संविधानसभाको भदौ २७ गतेको बैठकले संविधानको परिमार्जित विधेयकका तीन ओटा धारा पारित गरेको छ । बैठकमा संविधानको परिमार्जित विधेयकमाथि दर्ता भएका संशोधन प्रस्ताव पारित गर्न गरिएको मतदान प्रक्रियाबाट ती धाराहरू पारित भएका हुन् ।

पूरा पढ्नुहोस

संविधानसभाको प्रक्रिया रोकेर तीन दलद्वारा आन्दोलनरत पक्षलाई आह्वान गरिएको भए पनि वार्ताका सम्बन्धमा आज दिनभर कुनै प्रगति भएको समाचार आएन । आन्दोलनरत पक्षका नेता र एमाओवादी नेताले समेत सहमतिका लागि समय नपुगेको भन्दै संविधानसभाको प्रक्रिया थप केही दिन लम्ब्याउन माग गरेका छन् । वार्ताको आह्वान गरिएको भए पनि आजसम्म मधेशवादी दल भने वार्ताका लागि अनिणिर्त देखिएका छन् । दुई दिनका लागि मात्र स्थगित संविधान लेखन प्रक्रिया वार्ताका लागि पर्याप्त नभएको भन्दै आन्दोलनरत संयुक्त मधेशी मोर्चाले आफ्ना माग पूरा नभएसम्म औपचारिक वार्ता नबस्ने बताउँदै आएको छ । तर, केही मधेशवादीका दलका नेताहरुले भने अनौपचारिक रूपमा तीन दलसँग वार्तामा बस्न तयार रहेको सञ्चारमाध्यमलाई अभिव्यक्ति दिँदै आएका छन् । आज तराईका जिल्लामा भएका केही प्रदर्शनहरू शान्त देखिए । महोत्तरीको जलेश्वर र जनकपुरमा जारी अनिश्चितकालीन कर्फ्यूका कारण जनजीवन कष्टकर भएको स्थानीयले बताएका छन् ।

पूरा पढ्नुहोस

विगत २९ दिनदेखि देशका विभिन्न भागमा जारी आन्दोलन दिन प्रतिदिन हिंस्रक हुँदै गएको छ । वार्ताद्वारा समस्याको समाधान गर्न सर्वत्र माग हुँदै आएको भए पनि आन्दोलनरत पक्ष यसतर्फ गम्भीर नभएको देखिएको छ । आजै मात्र प्रहरीको गाली लागेर धनुषा र महोत्तरीमा गरी पाँच जना प्रदर्शनकारीको मृत्यु भएको छ । उपचारका लागि जलेश्वरबाट एम्बुलेन्समा राखी जनकपुर लगिँदै गरिएका सशस्त्र प्रहरी असई थमनबहादुर विकलाई आन्दोलनकारीले एम्बुलेन्सबाट बाहिर निकाली कुटपिट गरी हत्या गरेका छन् । लामो समयदेखि जारी बन्दले जनताको दैनन्दिन कष्टकर हुँदै गएको छ । आन्दोलनका क्रममा भएका कतिपय गतिविधि हेर्दा आन्दोलन संयुक्त लोकतान्त्रिक मधेशी मोर्चाको नियन्त्रण बाहिर गएको हो की भन्ने आशङ्का गर्न थालिएको छ ।

पूरा पढ्नुहोस

जनताको मताधिकारबाट पुनः गठन भएको दोस्रो संविधानसभाबाट संविधान निर्माणका धेरै कामहरू सम्पन्न गरिसकेको अवस्थामा प्रादेशिक सीमाङ्कनसम्बन्धी मतभिन्नताले हिंसात्मक स्वरूप ग्रहण गरेको छ । एक महिनाको अवधिमा कम्तीमा ३१ जना नेपालीले ज्यान गुमाउनु परेको छ । सार्वजनिक वा निजी सम्पत्तिको क्षतिको त लेखाजोखा पनि भएको छैन । यस सन्दर्भमा राज्य र आन्दोलनकारी पक्षलाई वार्ताको माध्यमबाट मुलुकलाई हिंसा र अन्यौलबाट मुक्त गराउन आग्रह गर्दै आएका छन् । आज अनौपचारिक क्षेत्र सेवा केन्द्र ९इन्सेक० ले एक विज्ञप्ति जारी गरी आफ्ना मागहरू शान्तिपूर्ण तवरले राख्न पाउने आन्दोलनकारीको अधिकारको सम्मान गर्न तथा शान्ति सुरक्षा कायम गर्दा धनजनको क्षति हुन नदिन हरसम्भव उपाय अवलम्बन गर्न सरकारको ध्यानाकर्षण गराएको छ ।

पूरा पढ्नुहोस

प्रस्तावित राज्यहरूको सीमाङ्नसम्बन्धी विवादका कारण चलिरहेको आन्दोलनका कारण आज तराईका केही जिल्ला अत्यन्त तनावपूर्ण रह्यो । प्रहरीको गोली प्रहारबाट चारजना आन्दोलनकारीको मृत्यु भएको छ भने आन्दोलनकारीले मोरङमा प्रहरीलाई जिउँदै जलाउने प्रयास गरे । मृतक सबैको छातीमा गोली लागेको छ भने घाइतेहरूलाई पनि टाउको र छातिमा चोट लागेको छ । स्थिति नियन्त्रणका लागि अन्तिम विकल्पको रूपमा मात्र गोली प्रहार गर्ने अन्तर्राष्ट्रिय मापदण्ड भए पनि आजका घटनाहरूमा त्यसो भएको देखिएन ।

पूरा पढ्नुहोस

सही समयमा सही सूचना आमजनतामाझ पुर्याउने मनसायका साथ काम गरिरहेका पत्रकारहरू राज्य र गैरराज्यपक्षबाट प्रताडित भइरहेका समाचारहरु सार्वजनिक भएका छन् । आफूले भनेबमोजिम नगरेको वा आफ्नो स्वार्थ अनुकूल  समाचार प्रवाह नगरेका कारण पत्रकारहरु आक्रमित हुने गरेको देखिन्छ । भदौ २१ गते साँझ धनुषाको जनकपुरमा विक्रम रौनियार प्रहरीबाट कुटिएका छन् भने केही दिन अघि बाँकेमा थरुहटरमधेस आन्दोलनकारीले पत्रकारहरुलाई कुटपिटरदुर्व्यवहार गर्नुका साथै मार्ने धम्की दिँदै रेडियोको कार्यालयमा अगनजी गर्ने धम्कीसमेत गरेका थिए ।

पूरा पढ्नुहोस

कुनै प्रभातफेरी होस् वा होस् राजनीतिक आन्दोलननेपालमा बालबालिकाको कमोवेससहभागिता देखिन्छ नै विद्यालयमा त्यसको प्रभाव पनि परिरहेको हुन्छ विद्यालयशान्तिक्षेत्र हुनुपर्छ भनेर जसले प्रतिबद्धता व्यक्त गरेका छ्न् ती पनि आफ्नोस्वार्थअनुकूल बालबालिकालाई उपयोग गर्न पछि परेका हुँदैनन्

पूरा पढ्नुहोस

प्रदेश सीमाङ्कनको विरोधमा २२ दिनदेखि जारी तराई मधेसमा जारी अनिश्चितकालीन बन्दका कारण विभिन्न जिल्लामा भदौ १९ गते पनि जनजीवन प्रभावित रह्यो । संयुक्त लोकतान्त्रिक मधेशी मोर्चाले बन्दका क्रममा प्रदर्शनहरू जारी राखे भने सर्लाहीमा तीन सरकारी कार्यालयमा आगजनी गरिएको समाचार प्राप्त भएको छ । कैलालीमा आन्दोलनरत पक्षले अवरोध नहुने प्रतिबद्धता जनाएपछि विद्यालयहरू भोलिबाट सञ्चालनमा आउने भएको छ । शान्ति क्षेत्र घोषित विद्यालय सञ्चालनमा ल्याउने निर्णय सकारात्मक कदम हो । आन्दोलन जारी रहेको सबै जिल्लाहरूमा पनि विद्यालय र बालबालिकालाई आन्दोलनको प्रभावबाट मुक्त राखी सुरक्षित वातावरणमा पढ्न पाउने वातावरण सुनिश्चित गर्न जरुरी छ ।

पूरा पढ्नुहोस

२१ दिनदेखि जारी मधेस बन्दका कारण जनजीवन निकै कष्टकर बन्दै गएको छ । तीन सातादेखिको बन्दको कारण अस्पतालहरूमा बिरामीलाई चाहिने अक्सिजनको समेत अभाव हुन थालेको छ । लगातारको बन्दको कारण खाद्यवस्तु, पेट्रोलियम पदार्थको अभाव हुनुको साथै कालोबजारी बढको छ । बजारमा खाने पकाउने एलपी ग्याँससमेत अभाव हुन थालेको छ । छोटो तथा लामो दूरीका सवारीसाधन पूर्णरूपमा ठप्प रहेका छन् भने हाटबजार, कलकारखाना, उद्योग धन्दा, बैंक तथा वित्तीय संस्था, सरकारी तथा गैरसरकारी कार्यालय सबै प्रभावित भएका छन् । बन्दको सबभन्दा ठूलो मारमा दैनिक ज्यालादारी गरेर जीवनयापन गर्ने मजदुर परेका छन् ।

पूरा पढ्नुहोस

विगत २० दिनदेखि जारी अनिश्चितकालीन तराई-मधेस बन्दका खाद्यवस्तु, पेट्रोलियम पदार्थ र औषधिसमेतको अभाव हुन थालेको इन्सेक प्रतिनिधिहरूले जनाएका छन् । बन्दका कारण सबैभन्दा बढी ज्यालादारी गरेर जीवनयापन गर्ने मजदुरहरू मारमा परेका छन् । बन्दका कारण दैनिक उपभोग्य वस्तुहरूको मूल्य छ गुनासम्म बढी मूल्यमा बिक्री हुन थालेको जनाइएको छ । प्रहरीको स्कर्टिङमा चलिरहेका सवारी साधनमा आन्दोलनकारीले ढुङ्गा तथा वियरका खाली बोतलले प्रहार गर्दा कैयन् यात्री तथा चालकहरूलाई चोट पटक लागेको समाचार र्सार्वजनिक भएका छन् ।

पूरा पढ्नुहोस