इन्सेक गतिविधिहरू

मानव अधिकार सहायता समिति सुदुरपश्चिम र इन्सेक धनगढीले मङ्सिर १४ गते हिंसापीडित महिलालाई कानुनी सहायताका लागि १० हजार रुपियाँ सहयोग प्रदान गरेको इन्सेक सुदूरपश्चिम प्रदेशका प्रमुख खडकराज जोशीले बताउनु भयो ।

डिसिएको सहयोगमा स्थापना गरिएको मानव अधिकार सहायता कोषबाट सहयोग गरिएको प्रदेश प्रमुख जोशीले बताउनु भयो ।

जिल्ला अदालत, कञ्चनपुरमा पतिविरुद्ध कानुनी लडाइँको प्रक्रियामा रहनु भएकी भिमदत्त नपा–१९ की कञ्चन खडायतले आर्थिक अवस्था कमजोर रहेको र कानुनी प्रक्रियाका लागि मानव अधिकार रक्षक सञ्जाल, कञ्चनपुरलाई आग्रह गर्नुभएको थियो ।

त्यसपछि सञ्जालको सिफारिसमा पीडित खडायतलाई कानुनी सहायताका लागि रकम सहयोग गरिएको सञ्जालका सदस्य उद्धवराज भट्टले बताउनु भयो ।

कोमलनिरन्जन भाट