इन्सेक गतिविधिहरू

इन्सेक सुदूरपश्चिम प्रदेश कार्यालय, धनगढीको आयोजना र मानव अधिकार समूहको सहकार्यमा (इएलपी) परियोना अन्तर्गत असोज १३ गते स्वास्थ्य सेवा र सरोकारवालाहरुको भुमिका विषयक अन्तरक्रिया कार्यक्रम कृष्णपुर नगरपलिका–१ निगाली सामुदायिक स्वास्थ्य इकाईमा सम्पन्न भएको छ ।

निगाली सामुदायिक स्वास्थ्य इकाईका प्रमुख आशा भण्डारीले नेपाल सरकारले जारी गरेको मापदण्ड अनुसार प्रभावकारी सेवा प्रवाह गर्नका लागि स्वास्थ्य इकाईमा कर्मचारी दरबन्दी तथा भौतिक संरचनाको अभाव रहेका कारण समस्या रहेको बताउनु भयो ।

महिला स्वास्थ्य स्वयमसेविका डम्बरी पाठकले मुलुक सङ्घीयतामा गइसकेपश्चात आफूहरुलाई कुनै किसमको क्षमता अभिबृद्घि तालिम तथा गोष्ठीहरुमा सहभागि नगराइएको बताउनु भयो ।

निगाली सामुदायिक स्वास्थ्य इकाई व्यावस्थापन समितिका अध्यक्ष मोहनबहादुर बस्नेतले नगर कार्यपालिकामा राजनीतिक रुपमा पुर्वाग्रही भएर न्यून बजेट तथा कार्यक्रम विनियोजन गर्ने गरिएकोले व्यवस्थापन गर्न कठिनाइ भएको बताउनु भयो ।

कोमलनिरन्जन भाट