स्वास्थ्य अधिकारसम्बन्धी अन्तरक्रिया सम्पन्न

  ०७७ पुस २३ गते

अनौपचारिक क्षेत्र सेवा केन्द्र (इन्सेक) को आयोजनामा पुस २१ गते चन्द्रनिगाहपुर अस्पतालको सभाहलमा स्वास्थ्य अधिकार विषयमा सरोकारवालाबिच अन्तरक्रिया कार्यक्रम सम्पन्न गरिएको छ ।

कार्यक्रममा अस्पतालको अनुगमन, सेवा सुविधाको प्रयोग र सेवाग्राहीले पाइरहेका सेवाहरुको निरीक्षण गरी कार्यक्रमलाई औपचारिक सत्रमा परिणत गरी सभाहलमा अन्तरक्रिया गरिएको थियो ।

photo20210107rautahat (2)

चन्द्रनिगाहपुर अस्पतालले दिँदै आएको सेवाबाट सेवाग्राहीहरू सन्तुष्ट रहेको सेवाग्राही महेन्द्र ठाकुरले बताउनु भयो । अस्पतालबाट प्रवाह भएको सेवाबाट आफूले समयमा नै स्वास्थ्य उपचार पाएको उहाँले बताउनु भयो ।

सेवाग्राही रञ्जु मुखियाका अनुसार अन्य सेवा सुविधा राम्रो रहेको भएपनि अस्पतालमा भिडियो एक्सरे नभएको र एक्सरे जीर्ण अवस्थामा रहेकोले सो सेवाबाट वञ्चित रहेनु परेको छ ।

अस्पतालका नर्स कुन्ता दाहालले जिल्लाका विभिन्न भागबाट आउने गर्भवतीहरूको गर्भ जाँच र सुरक्षित सुत्केरी गराउने गरेको बताउनु भयो ।

photo20210107rautahat (1)

डा. देवशङ्कर पासवानले बिमा गरिएका व्यक्तिहरूलाई स्थानीय तहमार्फत समयमा सर्वसुलभ उपचार तथा सेवासुविधा दिइरहेको बताउनु भयो ।

कोपिला तिमल्सिना