स्थानीय सवाल र स्थानीय तहको जबाफदेहिता विषयक कार्यशाला सम्पन्न

  ०७६ भदौ २१ गते

डिसिए परियोजना अन्तर्गत अनौपचारिक क्षेत्र सेवा केन्द्र (इन्सेक) सुदूर पश्चिम प्रदेश कार्यालय, धनगढीको आयोजनामा स्थानीय सवाल र स्थानीय तहको जबाफदेहिता विषयक दुई दिने कार्यशाला गौरीगङ्गा नगरपालिकामा भदौ २१ गते सम्पन्न भएको छ ।

 

इन्सेक सुदूर पश्चिम प्रदेश कार्यालयका संयोजक खडकराज जोशीले दुई दिने कार्यशालाको उद्देश्य र पुर्व कार्यक्रमको स्मरण गर्दै स्थानीय तहमा सुशासन सुनिश्चितताका लागि समन्वय र सहकार्य आवश्यक  रहेको बताए ।

 

दुई दिने कार्यशालामा डा. हेमराज पन्तले स्थानीय सुशासन प्रणालीका सैद्धान्तिक पक्षहरू र श्रोत व्यवस्थापन (समुचित प्रयोग, मितव्ययिता, पारदर्शिता र जबाफदेहिता) बारे प्रस्तुतीकरण र छलफल गराएका थिए ।

 

गौरीगङ्गा नगरपालिकाका प्रमुख प्रशासकीय अधिकृत भक्तराज जोशीले स्थानीय तहलाई सुशासनमा जिम्मेवार र बलियो बनाउनका लागि महत्वपुर्ण कार्यक्रम रहेको बताए ।

 

गौरीगङ्गा नगरपालिकाका उपप्रमुख अञ्चला चौधरीले इन्सेकले निरन्तर रूपमा सुशासन र मानव अधिकारका क्षेत्रमा कार्यक्रम सञ्चालन गरेर जनप्रतिनिधि र कर्मचारीहरूको क्षमता अभिबृद्धि गराएको बताइन् ।

photo20190907kailaliact (1)

photo20190907kailaliact (2)

photo20190907kailaliact (3)

photo20190907kailaliact (4)

photo20190907kailaliact (5)

photo20190907kailaliact (6)

मैनामोती चौधरी