सल्लाहकार समितिसँग समन्वय बैठक सम्पन्न

  ०७४ असोज २४ गते

अनौपचारिक क्षेत्र सेवा केन्द्र(इन्सेक) क्षेत्रीय कार्यालय विराटनगरको आयोजनामा असोज २४ गते विराटनगरमा जिल्लास्तरीय परियोजना सल्लाहकार समितिसँग बैठक सम्पन्न भएको छ ।

Photo20171010Morang

बैठकमा इन्सेकले सञ्चालन गर्दै आएको स्थानीय समुदायलाई सचेत पार्दै जिम्मेवार निकायलाई जबाफदेही बनाउने पहल कार्यक्रम (इएलपी) अन्तरगत मोरङको जहदा गाउँपालिका वडा नम्बर १,२ र ३ मा सञ्चालन भइरहेको कार्यक्रमको गतिविधि, उपलब्धि तथा बजेटको विषयमा छलफल भएको छ ।

सो क्षेत्रभित्र शिक्षा, स्वास्थ्य र खाद्य अधिकारको सवालमा देखा परेका समस्या, समाधानका उपाय र उपलब्धिको विषयमा इन्सेक क्षेत्रीय कार्यालय विराटनगरकी बागमती कट्टेलले बैठकमा जानकारी गराएकी थिइन् ।

इन्सेक क्षेत्रीय कार्यालय विराटनगर संयोजक सोमराज थापाले इन्सकले निर्माण गरेको निगरानी समितिको सक्रियताका कारण पनि शिक्षा, स्वास्थ्य र खाद्य अधिकारको सवालमा सफलता मिलेको बताए ।

त्यस्तै जिल्ला समन्वय समिति मोरङका स्थानीय विकास अधिकारी शोभाखर रेग्मीले सचेतना मुख्य कुरा भएको बताउँदै थोरै बजेटमा इन्सेकले ठूलो सफलता हात पारेको बताए । उनले निगरानी समितिका कारण विद्यालयमा शिक्षकले पुरै समय दिनु, सेवा प्रदायक संस्थासम्म आएर सेवा लिन स्थानीय आफैँ सक्षम हुनु ठूलो उपलब्धि भएको बताए ।

इन्दिरा भट्टराई