इन्सेक गतिविधिहरू

वीरेन्द्रनगर नगरपालिकाका प्रमुख देवकुमार सुवेदीले समुदाय स्तरबाट छनौट भएका नगरका सबै योजनालाई प्राथमिकतामा राखी योजना निमार्ण गरिने प्रतिबद्धता जनाउनु भएको छ ।

इन्सेकद्धारा संचालित पारस्परिक जवाफदेहिता ः मानव अधिकार सुदृढीकरण कार्यक्रम अन्र्तगत फागुन २२ गते वीरेन्द्रनगरमा आयोजित योजना निमार्ण प्रक्रियामा समुदायको सहभागिता क्षमता अभिबृद्धि तालिममा नगर प्रमुख सुवेदीले यस्तो प्रतिबद्धता जनाउनु भएको हो ।

नगर प्रमुख सुवेदीले याजना छनौट प्रक्रियाका आधारहरू आर्थिक, सामाजिक, वातावरण, सुशासन र पूर्वाधार निर्माणमा सबै वर्ग, समुदाय, लिङ्ग, धर्म, क्षेत्र, जातजाति र सिमान्तकृत समुदायको सहभागितामा योजना छनौट गरिए मात्र वीरेन्द्रनगरको समग्र विकासमा टेवा पुग्ने उल्लेख गर्नुभयो । सबै समुदायको भावनालाई समेटेर विकास निमार्णमा सहयोग गर्न यस्ता कार्यक्रम सहयोगी बन्ने नगर प्रमुखले बताउनु भयो ।

इन्सेक कर्णाली प्रदेश कार्यालयका संयोजक नारायण सुवेदीले सबै क्षेत्र, वर्ग र सिमान्तकृत समुदायको सहभागितामा छनौट गरिएका योजनाले मात्र नगरपालिकाको समग्र विकासमा योगदान पु¥याउने उल्लेख गर्नुभयो । तालिममा सहभागी खडकबहादुर तारामीमगर र पार्वती सुनारले योजना छनौट निमार्णको प्रक्रियाका विषयमा पहिलो पटक जान्ने बुझने अवसर पाएको बताउनु भयो ।

कार्यक्रममा मध्य पश्चिमाञ्चल विश्वविद्यालयका उपप्रध्यापक कमल लम्सालले योजना निमार्ण प्रक्रियामा महिला, बालबालिका, दलित, यौनिक अल्पसङ्ख्यक र सीमान्तकृत समुदायको सहभागिता तथा वीरेन्द्रनगर नपाका प्रमुख प्रशासकीय अधिकृत टिकाराम ढकालले स्थानीय तहको योजना तर्जुमा प्रक्रिया र समुदायको सहभागिताका विषयमा सहजीकरण गर्नु भएको थियो ।

इन्सेकका प्रदेश संयोजक सुवेदीको अध्यक्षतामा सम्पन्न कार्यक्रममा वीरेन्द्रनगर नपाका १, २, ३, ४ र ५ नम्बर वडाका वडाअध्यक्ष र सीमान्तकृत समुदायको सहभागिता रहेको थियो ।
समूह छलफलका क्रममा सहभागिहरूले पहिचान गरेका सवालमा आगामी योजना छनौटमा प्राथमिकतामा राखिने वडाअध्यक्षहरूले प्रतिवद्धता जनाउनु भयो ।

दुर्गा थापा