समुदायको सहभागितामा यौजना छनौट गर्छौ ː नगर प्रमुख सुवेदी

  २०७६ फागुन १५ गते

वीरेन्द्रनगर नगरपालिकाका प्रमुख देवकुमार सुवेदीले नगरका आगामी सबै योजनाहरू समुदायको सहभागितामा मात्र छनौट गरिने प्रतिबद्धता जनाउनु भएको छ ।

पारस्परिक जवाफदेहिता ː मानव अधिकार सुदृढिकरण कार्यक्रम अन्र्तगत इन्सेकले फागुन १५ गते वीरेन्द्रनगरमा आयोजना गरेको योजना निमार्ण प्रक्रियामा समुदायको सहभागिता क्षमता अभिबृद्धि तालिममा प्रमुख सुवेदीले यस्तो प्रतिबद्धता जनाउनु भएको हो ।

प्रमुख सुवेदीले सबै वर्ग, समुदाय, लिङ्ग, धर्म, क्षेत्र, जातजाति र सिमान्तकृत समुदायको सहभागितामा योजना छनौट गरिए मात्र वीरेन्द्रनगरको समग्र विकासमा टेवा पुग्ने उल्लेख गर्नुभयो । राजनीतिक भागबण्डा र पहुँचको आधारमा नभइ समुदायको आवश्यकताको आधारमा योजना छनौट गरिने चर्चा गर्दै प्रमुख सुवेदीले सबैको सहभागितामा विकास निमार्णका योजना छनौट गरिए मात्र नगरको मुहार फेर्न सकिने बताउनुभयो ।

इन्सेक कर्णाली प्रदेश कार्यालयका संयोजक नारायण सुवेदीले सबै क्षेत्र, वर्ग र सिमान्तकृत समुदायको सहभागिता बिना गरिएको योजनाले विकासमा बाधा पुग्ने बताउनु भयो । संयोजक सुवेदीले वीरेन्द्रनगरको आगामी विकास निमार्णका योजना छनौट प्रक्रियामा सबै समुदायको सहभागितामा जोड दिन सो तालिमको आयोजना गरिएको उल्लेख गर्नुभयो ।

कार्यक्रममा मध्य पश्चिमाञ्चल विश्वविद्यालयका उपप्रध्यापक कमल लम्सालले योजना निमार्ण प्रक्रियामा महिला, बालबालिका, दलित, यौनिक अल्पसंख्यक र सिमान्तकृत समुदायको सवाल र सहभागिता तथा वीरेन्द्रनगर नपाका प्रमुख प्रशासकीय अधिकृत टिकाराम ढकालले स्थानीय तहको योजना तर्जुमा प्रक्रिया र समुदायको सहभागिताका विषयमा सहजीकरण गर्नु भएको थियो । संयोजक सुवेदीको अध्यक्षतामा सम्पन्न कार्यक्रममा वीरेन्द्रनगर नपाका १६ वडाका अगुवाहरुको सहभागिता रहेको थियो ।

87449579_513039976259914_1176803958019063808_n (1) Resize 2 Resize 3

दुर्गा थापा