समाजमा कानुनी सचेतना आवश्यकः सरोकारवाला

  ०७५ मङ्सिर १ गते

दैनिक जसो घटने हिंसाका घटना न्यूनीकरणका लागि समाजमा कानुनी सचेतना जरूरी रहेको नेपाल मानव अधिकार वर्ष पुस्तक–२०१९ को प्रकाशन पूर्व वार्षिक समीक्षा कार्यक्रमका सहभागीले बताएका छन् ।

मङ्सिर १ गते इन्सेकले आयोजना गरेको कार्यक्रममा घटना भए त्यसको कारवाही के भयो भन्ने जानकारी नहुँदा पनि घटना हुने गरेको सहभागीले बताए ।

इन्सेकले नेपाल मानव अधिकार वर्ष पुस्तक–२०१९ मा राख्ने घटनाहरूको विवरण प्रस्तुत गरिएको थियो । इन्सेक जिल्ला प्रतिनिधि कोकिला ढकालले प्रस्तुत गरेको विवरणमा ११ महिनाका जिल्लामा १५ बालिका र आठ महिला गरी २३ जनामाथि बलात्कार तथा यौन दुर्व्यवहारका घटना भएको उल्लेख छ ।

यो अवधिमा चार ओटा बहुविवाहका, १८ ओटा घरेलु हिंसाका, कुटपिटका पाँच ओटा, हत्याका पाँच ओटा र मानव बेचबि खनका चारओटा घटना भएको इन्सेकको तथ्याङ्कमा उल्लेख छ । सन् २०१८ भ र यातायात व्यवसायी, नेत्रविक्रमचन्द्र विप्लव नेतृत्वको नेकपा तथा अन्य विभिन्न समूहबाट दश दिन यातायात तथा विद्यालय बन्द भएको प्रतिवेदनमा उल्लेख छ ।

हिंसा पीडितको सङ्ख्या यतिधेरै भएपनि उनीहरूलाई आपतकालिन अवस्थामा राख्ने सेफ हाउस नहुँदा भने समस्या भएको जिल्ला युवा समिति इलामका अध्यक्ष नवराज शङ्करले बताए ।

कार्यक्रममा अपाङ्गता भएक कतिपय व्यक्तिले अपाङ्गताको परिचय पत्र नपाएको कतिपय बालबालिकाको जन्म दर्ता नभएको सवाल उठेका थिए ।

प्रमुख जिल्ला अधिकारी श्रवणकुमार तिम्सिनाले अब बावुआमा नभएका कोही पनि नेपाली बालबालिकाले जन्म दर्ताको अधिकारबाट वञ्चित हुनुपर्ने अवस्था नभएको र त्यस्तो भए आफूले तत्काल जन्मदर्ता प्रमाण पत्र बनाउने प्रयास गर्ने बताए ।

कार्यक्रममा जिल्ला प्रहरी कार्यालयका एसपी माधवप्रसाद श्रेष्ठले घटना लुकाउनु हुन्न भन्ने सचेतनाका कारण पुराना घटना पनि बाहिर आउन थालेको बताए ।

जिल्ला समन्वय समिति प्रमुख गणेशप्रसाद बरालले केही समयपछि जिल्लामा सेफ हाउस स्थापना गर्ने पहल गरिने र सेफ हाउस सञ्चालनको आवश्यक नीति बनाउन आवश्यक रहेको बताए ।

कार्यक्रमकै अवसरमा इन्सेकले पीडितलाई गर्ने सहयोग २ हजार रुपियाँ सूर्योदय नगरपालिकाकी हिंसा पीडित १३ वर्षीया एक बालिकालाई प्रदान गरिएको थियो ।

कोकिला ढकाल