इन्सेक गतिविधिहरू

लैङ्गिक हिंसा न्यूनिकरणका लागि निरन्तर अभियानको चलाउनु पर्नेमा एक कार्यक्रमका सहभागीहरूले जोड दिएका छन् ।

इन्सेक कपिलवस्तु , मानव अधिकार एलाइन्स , महिला अधिकार मञ्च ,सिद्धार्थ सामाजिक विकास केन्द्र, नेपाल प्रहरी लगायत सङ्घ संस्थाको आयोजना तथा सामाजिक विकास मन्त्रालय, डिभिजन कार्यालय, कपिलवस्तुको सहयोग मङ्सिर १६ गते लैङ्गिक हिंसा विरूद्धको १६ दिने अभियान अवसरमा आयोजित अन्तरक्रिया कार्यक्रमका वक्ताहरूले उक्त कुरामा जो दिएका हुन् ।

कार्यक्रममा वाणगङ्गा नगरपालिकाका मेयर मंगलप्रसाद थारूले नगरपालिकाले महिला शसक्तिकरणका लागि विभिन्न कार्यक्रमहरू सञ्चालन गरेको बताउनु भयो । हिंसा न्यूनिकरणका लागि  महिलाहरूलाई सिपमुलक कार्यक्रममार्फत आत्मनिर्भर बनाउदै आएको बताउनु भयो ।

सामाजिक विकास मन्त्रालय, डिभिजन कार्यालय कपिलवस्तुका अधिकृत पुण्यप्रसाद न्यौपानेले महिलाहरू आत्मनिर्भर भए  हिंसा कम हुने बताउनु भयो ।

सिद्धार्थ सामाजिक विकास केन्द्रका अध्यक्ष तेज प्रसाद आचार्यले लैङ्गिक हिंसा अन्त्यका लागि निरन्तर समुदायमा सचेतीकरण गरीरहेको  बताउनु भयो ।

नेपाल पत्रकार महासंघ जिल्ला शाखा उपाध्यक्ष पार्वती पाण्डेले जिल्लामा  महिलाको अवस्थाको बारेमा अवधारणा पत्र प्रस्तुत गर्नु भएको थियो ।

पार्वती आचार्य