यूवा र विद्यार्थीबीच मानव अधिकार अनुशिक्षण सम्पन्न

  ०७६ फागुन २० गते

वीरेन्द्रनगर नपा–११ स्थित नेपाल राष्ट्रिय चन्द्रगंगा मावि गागे्रतालका कक्षा ११ र १२ का यूवा र विद्यार्थीलाई मानव अधिकारको सिद्धान्त र मानव अधिकारमैत्री व्यवहार विषयक अनुशिक्षण कार्यक्रम फागुन २० गते सम्पन्न भएको छ ।

इन्सेक कर्णाली प्रदेशद्धारा संचालित पारस्परिक जवाफदेहिता : मानव अधिकार सुदृढिकरण कार्यक्रम अन्र्तगत यूवा र विद्यार्थीलाई सो विषयमा अनुशिक्षण दिइएको हो ।

मध्यपश्चिमाञ्चल विश्वविद्यालय मानविकी संकायका पूर्व डिन एवम् नागरिक सरोकार केन्द्रका अध्यक्ष पिताम्बर ढकालले मानव अधिकारको सिद्धान्त र मानव अधिकारमैत्री व्यवहार तथा इन्सेक कर्णाली प्रदेश कार्यालय, सुर्खेतका संयोजक नारायण सुवेदीले सामाजिक उत्तरदायित्वको विषयमा सहजीकरण गर्नु भएको थियो ।

युवाहरूलाई मानव अधिकार शिक्षाको विषयमा सचेतीकरण गर्नुको साथै समुदाय, विद्यालय र घर परिवारमा मानव अधिकारमैत्री संस्कारको विकास गरी उनीहरूलाई मानव अधिकार संरक्षण सम्बद्र्धनमा समर्पित गराउने उद्देश्यले आयोजित अभिमुखीकरणमा सो माविका ४१ जना यूवा विद्यार्थीको सहभागिता रहेको थियो ।

मानव अधिकारको सिद्धान्त तथा मानव अधिकारमैत्री व्यवहारलाई सुदृढीकरण गरी विद्यालयमा मानव अधिकार संस्कृतिको विकास गर्न यमुना रेग्मीकोे संयोजकत्वमा ११ सदस्यीय यूवा मानव अधिकार समूह गठन गरिएको छ ।
समूहको सदस्यहरूमा प्रविना चौधरी, आशा वास्तोला, रेजिना रेग्मी, ज्योती दाहाल, भगवती खडका, अर्जुन शर्मा, भुपेन्द्र तिवारी, नवीन आचार्य, टिकाराम शर्मा र अर्जुन आचार्य रहेका छन् ।

कार्यक्रम नेरा चन्द्रगंगा मावि विद्यालय व्यवस्थापन समितिका सदस्य गोविन्द शर्माको अध्यक्षतामा सम्पन्न कार्यक्रममा सो माविका प्रद्यानाध्यापक नेत्रमणि चालिसेले घरपरिवार विद्यालय र समुदायमा मानव अधिकार मैत्री संस्कारको विकास नभएसम्म सभ्य समाजको परिकल्पना गर्न नसकिने बताउनुभयो ।

89209558_1255521848170683_9139911085602635776_n 89169604_670829160322213_7325993615925182464_n 85229568_518060829121538_3306652246963388416_n

दुर्गा थापा