इन्सेक गतिविधिहरू

जातीय विभेद समस्या न्यूनीकरण गर्न मिडियाको उपयोगिता विषयमा चैत ८ गते दैलेखमा सरोकारवालाबीच अन्तरक्रिया कार्यक्रम सम्पन्न भएको छ ।

मार्च २१ तारिकमा मनाइने अन्तर्राष्ट्रिय जातिभेद तथा रंगभेद उन्मूलन ५५ औं दिवसको अवसरमा सुन्दर नेपाल, इन्सेक र राष्ट्रिय दलित पत्रकार सङ्घ नेपालद्वारा चैत ८ गते दैलेखमा सरोकारवाला निकायबीच अन्तरक्रिया भएको हो ।

नेपाल मजदूर किसान पार्टीका जिल्ला सचिव लक्ष्मीकुमार बिकले नेपालका दलित समुदाय माथि सामाजिक रुपमा जातीय विभेद र आर्थिक रुपमा वर्ग विभेद दोहोरो शोषणमा परेको बताउनुभयो ।

नेपाल मजदूर किसान पार्टीका जिल्ला सचिव लक्ष्मीकुमार बिकले नेपालका दलित समुदाय माथि सामाजिक रुपमा जातीय विभेद र आर्थिक रुपमा वर्ग विभेद दोहोरो शोषणमा परेको बताउनुभएको छ ।

सुन्दर नेपाल संस्था, इन्सेक र राष्ट्रिय दलित पत्रकार सङ्घ नेपालको आयोजनामा दैलेख सदरमुकाममा आज भएको मिडियामा दलित सवाल अन्तरक्रिया कार्यक्रममा उहाँले सो विचार राख्नुभएको हो ।

त्यसबखत नारायण नपा–३ का वडासदस्य हर्कबहादुर नेपालीले नेपालमा जात व्यवस्थाको प्रभाव राजनीति र स्थानीय सरकार सञ्चालनमा समेत परेको औल्याउनुभयो । ‘दलित समुदायबाट जनप्रतिनिधि छौं तर हाम्रो प्रस्तावको विषयमा छलफल हुदैन’ उहाँले टिप्पणी गनुभयो ।

महिला सशक्तिकरण मञ्चका उपाध्यक्ष सविना बिकले जातीय विभेद समस्याहरू सञ्चार माध्यममा आएका छन् तर दलितको जीविका र सङ्घर्षको पाटो मिडियाले केलाउनुपर्ने सुझाव दिनुभयो ।

सिल्पी समाजका संयोजक बखत नेपालीले दलित समुदायको शैक्षिक विकास र आर्थिक उपार्जनमा ध्यान दिनुपर्ने औल्याउनुभयो । त्यसबखत पत्रकार बिशाल सुनारले पुख्र्यौली पेशा आधुनिकीकरण गर्न नसकेको कारण दलित समुदायको आर्थिक स्तर खस्कँदै गएको बताउनुभयो ।

राष्ट्रिय दलित पत्रकार सङ्घ नेपालका जिल्ला अध्यक्ष पृथ बयलकोटीको अध्यक्षतामा भएको कार्यक्रममा इन्सेक जिल्ला प्रतिनिधि अमर सुनार र सुन्दर नेपाल संस्थाको पारस्परिक जवाफदेहिता परियोजनाका जिल्ला संयोजक यज्ञराज थापाले दलितका सवाल र मिडियाको भूमिका विषयमा प्रकाश पार्नुभएको थियो ।

दलित अगुवा मोहन सुनार, व्यवसायी दुर्गबहादुर सुनार, राष्ट्रिय दलित पत्रकार संघ नेपालका जिल्ला उपाध्यक्ष टोपबहादुर सुनारले पनि आआफ्नो धारणा राख्नुभएको थियो ।

अमर सुनार