मानव अधिकार समूहद्वारा गाँउपालिकामा ज्ञापनपत्र

  ०७७ मङ्सिर १६ गते

अनौपचारिक क्षेत्र सेवा केन्द्र(इन्सेक) द्वारा कोशी गाउँपालिका गठित मानव अधिकार समूहले आठ बुँदे मागसहितको ज्ञापनपत्र मङ्सिर १६ गते गाँउपालिकामा बुझाएको छ ।

इन्सेकद्वारा सञ्चालित स्थानीय समुदायलाई सचेत पार्दै जिम्मेवार निकायलाई जवाफदेही बनाउने इएलपी परियोजना अन्तरगत मानव अधिकार समूहले शिक्षा,स्वास्थ्य,खाद्य र आवासलगायतका अधिकारका विषयलाई सम्बोधन गर्न माग गर्दै गाँउपालिकामा ज्ञापनपत्र बुझाएको हो ।

समूहले कोशी गाँउपालिकाको लौकही, हरीपुर, भण्टाबारी र कोशी व्यारेज बजार क्षेत्रमा खाद्य वस्तु विक्रि अव्यवस्थित भएको र मिसावटयुक्त विक्रि गरेको गुनासो आएकाले नियमित अनुगमन गर्नुपर्ने माग गरेको छ ।

गुणस्तरीय शिक्षाका लागि विद्यालयसगैं मदर्सामा समेत विषयगत शिक्षकको व्यवस्था गर्नुपर्ने,  कृषि, पशु , शिक्षा र स्वास्थ्य संस्थामा अनुगमन गरी जवाफदेहिता बन्न समूहले गाँउपालिकालाई आग्रह गरेको छ ।

कोशी गाउँपालिकाका कृषकहरूलाई रासायनिक मल, उन्नत जातको बिउविजन समयमा उपलब्ध गराउनुपर्ने, माटो सुहाउदो बालीका लागि माटो परीक्षण शिविर सञ्चालन गर्नुपर्ने, कोशी गाँउपालिका ४ श्रीपुरमा रहेको सुकुम्बासीका लागि वितरण गरिएको ४० विघा जग्गा छुट्याएर सम्बन्धीत सुकुम्बासीलाई दिन पहल गर्नुपर्ने, सुकुम्बासी विपन्न, दलित समुदायको आवासको अधिकार अन्तरर्गत गाउँपालिकाले तथ्यांक संकलन गर्नुपर्ने लगायतका माग ज्ञापनपत्रमा समेटिएको छ ।

भाण्टाबारी खानेपानी र कोशी गाँउपालिका ५ को आधारभुत स्वास्थ्य केन्द्र भवन संचालनमा ल्याउनुपर्ने माग गरेको मानव अधिकार समूहका सचिव विष्णुकुमार यादवले बताउनु भयो ।

सामुदायिक विद्यालयसगैं मदर्शाका छात्राका लागि समेत स्यानेटरी प्याडको व्यवस्था गर्नुपर्ने माग गर्दै ज्ञापन पत्र बुझाएको समूह अध्यक्ष अनिता उराँवले बताउनु भयो ।

मानव अधिकार समूहले शिक्षा,स्वास्थ्य,खाद्य र आवासका सवालहरूलाई पहिचान गरी गाँउपालिका अध्यक्ष ऐयुव अन्सारीलाई ज्ञापनपत्र बुझाएको इन्सेक सहजकर्ता जयकृष्ण यादवले बताउनु भयो ।

 

Photo 20201101 Sunsari (3)

जयकृष्ण यादव