मानव अधिकार वर्षपुस्तक-२०१७ प्रकाशन पूर्व समीक्षा कार्यक्रम

  ०७३ मङ्सिर २५ गते

इन्सेक तेह्रथुमको आयोजनामा मङ्सिर २५ गते नेपाल मानव अधिकार वर्षपुस्तक-२०१७ का लागि सङ्कलित मानव अधिकार उल्लङ्घन तथा ज्यादतीका घटनाको प्रकाशन पूर्व समीक्षा कार्यक्रम सम्पन्न भएको छ ।

photo20611210tehrathum

पूर्व समीक्षा कार्यक्रममा जिल्लास्थित सरकारी कार्यालयका प्रमुख, सुरक्षा निकायका प्रमुख तथा प्रतिनिधि, सरकारी कार्यालयका प्रमुख, मानव अधिकारकर्मी, गैरसरकारी सङ्घसंस्थाहरूका प्रतिनिधि र सञ्चारकर्मीको उपस्थिति थियो । कार्यक्रममा इन्सेक तेह्रथुमका जिल्ला प्रतिनिधि  भगिश्वर लिम्बुले अधिकांश ज्यादती गैरराज्यबाट भएको घटना सार्वजनिक गरेका छन् ।

कार्यक्रममा सन् २०१६ जनवरी १ देखि डिसेम्बर सम्ममा गैरराज्यबाट हत्या एक, कुटपिट दुई, बलात्कार र बलात्कार प्रयास चार, घरेलु हिंसाका नौ ओटा घटना अभिलेख गरिएको जानकारी दिइएको थियो ।

कार्यक्रममा प्रमुख जिल्ला अधिकारी मुनका न्यौपानेले अधिकांश घटनाहरू अध्ययन गर्दा मादक पदार्थ सेवन गरी भएको पाइएकोले अब गाउँगाउँमा सचेतनात्मक कार्यक्रमसमेत सञ्चालन गर्नु पर्ने सुझाव दिइन् ।

स्थानीय शान्ति समितिका संयोजक देउनारायण सम्बाहाम्फेले अधिकारकर्मीहरूले मानव अधिकारसँगै अब खाद्य सुरक्षाको बारेमा पनि खोजी गर्नु पर्ने धारणा राखे । जिल्लामा अहिले अन्य अधिकारले खाद्य अधिकार ओझेलमा परेकोले अव इन्सेकले यससम्बन्धमा समेत चासो दिनु पर्ने बताए ।

पत्रकार महासङ्घ तेह्रथुमका अध्यक्ष उद्धब तिम्सिनाले घटनाहरू सार्वजनिक गर्नु अघि पीडितको गोपनीयतालाई समेत ख्याल गर्नु पर्ने बताउँदै आगामी दिनमा अधिकारकर्मीहरू सचेत हुन समेत अग्रह गरेका छन् ।

भगिश्वर लिम्बु