मानव अधिकार रक्षक सञ्जाल गठन

  २०७७ चैत १३ गते

अनौपचारिक क्षेत्र सेवा केन्द्र (इन्सेक) को आयोजनामा चैत १३ गते जिल्ला स्तरीय मानव अधिकार रक्षक सञ्जाल गठन गरिएको छ ।

मानव अधिकारको क्षेत्रमा क्रियाशील अधिकारकर्मीहरू असुरक्षित भइरहेको परिपे्रक्षमा अधिकारको क्षेत्रमा वकालत गर्दै पीडितलाई न्याय दिलाउने र पीडकलाई कानुनको दायरामा ल्याउन सहयोग पुर्‍याउने उदेश्यका साथ सञ्जाल गठन गरिएको हो ।

नागरिक अगुवा राजबहादुर महतको संयोजकत्वमा १३ सदस्यीय समिति गठन भएको छ । सदस्यहरूमा महिला अधिकारकर्मी भगवती श्रेष्ठ, पत्रकार महासंघ जुम्लाका उपाध्यक्ष नेत्रबहादुर शाही, अधिवक्ता अनिता तिमिल्सेना, अधिवक्ता देवेन्द्रराज शर्मा, दलित सेवा संघ जुम्ला सचिव रामबहादुर नेपाली, जनजाती महासंघ जुम्लाका र अध्यक्ष कार्मा ठिल्ने लामा रहनु भएको छ ।

20210326 Jumla 2

त्यसैगरी अपाङ्ग पुनस्थार्पना तथा विकास केन्द्रका अध्यक्ष नन्दराज धिताल, जेष्ठ नागरिक संघ जुम्लाका उपाध्यक्ष मनिश्चन्द्र न्यौपाने, महिला मानव अधिकार सञ्जालका अध्यक्ष टीका नगरकोटी, थाहा सञ्चार सम्वाददाता दिलमाया शाही, रेडियो नेपालका सम्वाददाता सागर परियार र सदस्य सचिवमा इन्सेक जिल्ला प्रतिनिधि मानदत्त रावल रहनु भएको छ ।

मानव अधिकार रक्षक सञ्जालका सल्लाहकारमा राष्ट्रिय मानव अधिकार आयोग जुम्लाका प्रमुख बृद्धिनारायण साहनी, नेपाल पत्रकार महासंघ केन्द्रीय सदस्य पूर्णप्रसाद चौलागाई, मानव अधिकार एलाइन्सका केन्द्रीय सदस्य मानवबहादुर रोकाया, जिल्ला बाल संगठनका सभापति जयबहादुर खत्रीलगायत रहेका छन् ।

मानव अधिकार आयोग जुम्लाका प्रमुख बृद्धिनारायण साहनीका अनुसार पछिल्लो सयममा मानव अधिकार रक्षक जोखिममा छन् । उनीहरूको सुरक्षा चुनौती कम गर्नका लागि यो सञ्जालको भूमिका रहने उहाँले बताउनुभयो । उहाँले भन्नुभयो ‘यसमा मानवअधिकार आयोगले सहजीकरण समन्वय गर्ने छ ।’

नागरिक अगुवा तथा मानव अधिकार रक्षक सञ्जालका संयोजक राजबहादुर महतले सामाजिक मुद्दामा सशक्त भएर काम गर्ने र पीडितलाई न्यायलयको ढोकासम्म पुर्‍याउने प्रतिबद्धता जनाउनुभयो ।

20210326 Jumla 1

मानदत्त रावल