इन्सेक गतिविधिहरू

अनौपचारिक क्षेत्र सेवा केन्द्र (इन्सेक) सुदूरपश्चिम प्रदेश कार्यलय, धनगढी र गौरीगंग नगर स्तरीय मानव अधिकार समुहको संयुक्त आयोजनामा शिक्षा, स्वास्थ्य, खाद्य र आवास सम्बन्धी स्थानीय तहको नीति र कार्यान्वयनको अवस्था विषयक सार्वजनिक सुनुवाई फागुन १९ गते गौरीगंगा नगरपालिमा सम्पन्न भएको छ ।

इन्सेक सुदूरपश्चिम प्रदेश कार्यालय, धनगढीका संयोजक खडकराज जोशीले नागरिकहरुको मौलिक अधिकार शिक्षा, स्वास्थ्य, खाद्य र आवास अधिकारमा नागरिकहरुको पहुँच पु¥याउन र स्थानीय तहको नीति तथा कार्यान्वयनको अवस्था विश्लेषणका लागि कार्यक्रमको आयोजना गरेको बताउनु भयो ।

गौरीगंगा नगरपालिकाका प्रमुख भिम देउवाले  शिक्षा, स्वास्थ्य, खाद्य र आवासको अधिकारका सवालहरुलाई सम्बोधन गर्नका लागि नीति निर्माण गरिएको र  नागरिकको आवसको अधिकारको ग्यारेण्टी गर्न जनता आवास कार्यक्रम अन्तर्गत आवास विहिनहरुका लागि घर निमार्ण गर्ने बताउनु भयो ।

गौरीगंगा नगरपालिका शिक्षा शाखा प्रमुख हरिस पन्तले दुरदराजका विद्यार्थीहरुको शिक्षामा पहुँच पुर्‍याउन नगरपालिका अग्रसर रहेको बताउनु भयो ।

गौरीगंगा नगरपालिका कृषी  शाखा  प्रमुख दिवेद्र परियारले कृषि क्षेत्रमा युवाहरुको सकृयता बढाउन कृषक प्रोत्साहन कार्यक्रम सञ्चालन गुर्न पर्ने बताउनु भयो ।

स्थानीय विर्मादेवी सार्कीले निःशुल्क शिक्षा, स्वास्थ्य भनिएता पनि शुल्क  तिरेर बच्चा पढाउनु परेको र महँगो शुल्क तिरेर उपचार गर्नु पर्ने बाध्यता रहेको गुनासो गर्नु भयो ।

मैनामोती चौधरी