पीसीआर परीक्षण सहज बनाउन मानव अधिकारकर्मीहरूको माग
कञ्चनपुर प्रतिनिधि कोमलनिरञ्जन भाटका अनुसार जिल्लामा क्रियाशील मानव अधिकार रक्षकहरूले कोभिड–१९ को परीक्षण सहज बनाउन तथा निःशुल्क कोभिड–१९को उपचार व्यवहारमा कार्यान्यवन गर्न माग गरेका छन् ।
डिसिए र अनौपचारिक क्षेत्र सेवा केन्द्र (इन्सेक) सुदूरपश्चिम प्रदेश कार्यालय धनगढीकोे सहकार्यमा मानव अधिकार रक्षक सञ्जाल, कञ्चनपरले कात्तिक २७ गते महेन्द्रनगरमा आयोजना गरेको मानव अधिकार रक्षकहरूको अवस्था र भूमिका समीक्षा बैठकका सहभागीहरूले कोभिड–१९ को पीसीआर परीक्षण सहज बनाउन तथा निःशुल्क कोभिड–१९ को उपचार व्यवहारिक रुपमा कार्यान्यवन गर्न माग गरेका हुन् ।
मानव अधिकार रक्षक सञ्जाल, कञ्चनपुरका संयोजक पुनमसिह चन्दले जिल्लास्तरमा लैङ्गिक हिंसा प्रभावितहरूका लागि सुरक्षित आवास गृह नभएका कारण महिला अधिकारका क्षेत्रमा काम गर्ने अधिकार रक्षकहरूलाई समस्या भएको बताउनुभयो ।
संयोजक चन्दले सुरक्षित आवास गृह नभएका कारण पीडितहरूलाई सुरक्षित राख्न कता पठाउने भन्ने समस्या हुने बताउनुभयो ।
यसैगरी मानव अधिकार रक्षक सञ्जाल, कञ्चनपुरका सदस्य उद्धबराज भट्टले जिल्लामा कोभिड–१९ को परीक्षण प्रयोगशाला नभएका कारण चाडोँभन्दा चाँडो कञ्चनपुरमा पीसीआर परीक्षण सुरू गर्नका साथै कोभिड–१९ को निःशुल्क उपचार व्यवहारिक रुपमा कार्यान्यवन गर्नुपर्ने बताउनुभयो ।
बैठकबाट जिल्लास्तरमा लैङ्गिक हिंसा प्रभावितहरूका लागि सुरक्षित आवास गृह स्थापनका लागि समाजिक विकास मन्त्रालयलाई आग्रह गर्ने, पीसीआर परीक्षण सहज बनाउन तथा निःशुल्क उपचार व्यवहारमा कार्यान्यवनका लागि सम्बन्धित निकायहरूलाई अनुरोध गरिएको संयोजक पुनमसिंह चन्दले बताउनुभयो ।
कोमलनिरन्जन भाट
सम्बन्धित इन्सेक गतिविधिहरू
संयुक्त अनुगमन तथा बैठक सम्पन्न
वीरेन्द्रनगर नपा–११ झुप्राखोलाका वादी समुदायले इन्सेकले आफ्नो समुदायको अधिकार प्राप्तिका लागि आवाज उठाउन सहयोग गरेको बताएका छन् । कियोस परियोजना अन्तर्गत इन्सेक केन्द्र र कर्णाली प्रदेश कार्यालयबाट इन्सेकका व्यवस्थापन विभाग…
‘नीति तथा कानुन निर्माणमा नागरिक सहभागिता’ सम्बन्धी सम्वाद कार्यक्रम सम्पन्न
प्रदेश २ को अस्थायी राजधानी जनकपुरमा मङ्सिर १५ गते ‘नीति तथा कानून निर्माणमा नागरिक सहभागिता’ सम्बन्धी सम्वाद कार्यक्रम सम्पन्न गरिएको छ । कार्यक्रममा अर्थशास्त्री डाक्टर सुरेन्द्र लाभले नीति तथा कानुन…
इन्सेकद्वारा विद्यालयलाइ स्वास्थ्य सामग्री प्रदान
अनौपचारिक क्षेत्र सेवा केन्द्र (इन्सेक) सुर्खेतले वीरेन्द्रनगर नपा १२ स्थित अम्मर ज्योति नमुना माविलाइ स्वास्थ्य, खेलकुद र ज्ञानवर्धक पाठ्यसामाग्रीप्रदान गरेको छ । बाल अधिकार मैत्री वातावरण प्रबर्धन गर्ने उद्देश्यले इन्सेकले…
अधिकारका कुरा चाँही गर्छौ तर प्राप्तिका लागि खोजी गर्दैनौ : अर्थ तथा विकास सभापति कोइराला
गण्डकी प्रदेश सभा अर्थ तथा विकास समितिका सभापति दिपक कोइरालाले कानुनी रूपमा आफूले प्राप्त अधिकारलाई जनताले खोजी गर्नुपर्ने बताउनुभएको छ । अनौपचारिक क्षेत्र सेवा केन्द्र इन्सेकको आयोजनामा भएको शिक्षा, स्वास्थ्य,…
स्थानीय जनप्रतिनिधि र न्यायिक समितिलाई क्षमता अभिवृद्धि तालिम
क्षिरेश्वरनाथ नपामा स्थानीय जनप्रतिनिधि र न्यायिक समितिका पदाधिकारीलाई मङ्सिर १३ र १४ गते क्षमता अभिवृद्धिसम्बन्धी तालिम दिइएको छ । तालिममा क्षिरेश्वरनाथ नगरपालिकाका वडाध्यक्ष, वडा सदस्य र कार्यपालिका सदस्यहरूलगायत ३३ जनाको…
