पीडितहरुको सुरक्षा तथा न्यायको लागि मानव अधिकार रक्षकहरुको भूमिका विषयक अभिमुखिकरण सम्पन्न

  ०७७ चैत ९ गते

अनौपचारिक क्षेत्र सेवा केन्द्र (इन्सेक) सुदूरपश्चिम प्रदेश कार्यालय, धनगढीको आयोजनामा तथा डिसीए परियोजना अन्तर्गत पीडितहरुकोे सुरक्षा तथा न्यायको लागि मानव अधिकार रक्षकहरुको भूमिका विषयक अभिमुखिकरण चैत ९ गते धनगढीमा सम्पन्न भएको छ ।

इन्सेक सुदूरपश्चिम प्रदेश संयोजक खडकराज जोशीले गौरीगंगा नगरपालिका र कैलारी गाउँपालिकामा गठन गरिएका मानव अधिकार रक्षकहरुको ज्ञान, सिप र क्षमताको बिकास गरी पीडितहरुको सुरक्षा तथा न्यायको लागि महत्वपूर्ण भूमिका खेल्न सकुन भन्ने उद्धेश्यकले कार्यक्रमको आयोजना गरेको बताउनु भयो ।

राष्ट्रिय मानव अधिकार आयोग, धनगढीका प्रमुख मोहनदेव जोशीले मानव अधिकार रक्षक सम्बन्धि राष्ट्रिय तथा अन्तराष्ट्रिय कानुनको प्रावधान र पीडितहरुको सुरक्षा तथा न्यायमा मानव अधिकार रक्षकको भूमिका विषयमा सहजिकरण गर्नु भएको थियो ।

पत्रकार महासंघ सुदूरपश्चिम प्रदेश संयोजक अर्जुन शाहले पीडितहरुको पक्षमा काम गर्दा आइपरेका चुनौती तथा समाधानका उपायबारे छलफल गराउनु भएको थियो ।

एड्जस नेपालकी अध्यक्ष चित्रा पनेरुले मानव अधिकारको परिभाषा, अधिकार र दायित्वको विषयमा छलफल गराउनु भएको थियो ।

कार्यक्रममा गौरीगंगा नगरपालिकाका मानव अधिकार समुहका संयोजक कुष्ण  खड्काले अभिमुखिकरण कार्यक्रमले काम गर्ने हौसला प्रदान गरेको बताउँदै आगामी दिनहरुमा मानव अधिकार समुहले कार्ययोजना बनाएर काम गर्ने प्रतिबद्धता जाहेर गर्नु भयो ।

अभिमुखिकरण कार्यक्रममा गौरीगंगा नगरपालिका र कैलारी गाउँपालिका स्तरीय मानव अधिकार समुहका पदाधिकारी तथा सदस्यहरुको सहभागिता रहेको थियो ।

Photo20210322Kailali

मैनामोती चौधरी