पत्रकार र नागरिक समाजबिच अन्तरक्रिया कार्यक्रम सम्पन्न

  ०७७ पुस ३ गते

गोरखाका नागरिक समाज र पत्रकारबिच कोभिड–१९ को जोखिम न्यूनिकरणका लागि नागरिक समाज र सञ्जार जगतबिच साझा मुद्धा तयार गर्ने विषयमा पुस ३ गते छलफल भएको छ ।

अनौपचारिक क्षेत्र सेवा केन्द्र (इन्सेक), एफइचआई ३६० र युएसएआइडी को संयुक्त आयोजनामा कार्यक्रम सम्पन्न गरिएको छ ।

इन्सेकले गठन गरेको मानव अधिकार सञ्जाल गोरखाका सदस्य रमेश अधिकारीको अध्यक्षतामा भएको कार्यक्रमका वक्ताहरुले कोभिड–१९ जोखिम न्यूनिकरणका लागि पत्रकार र नागरिक समाजको भूमिका अझै सक्रिय हुनुपर्नेमा जोड दिनुभयो ।

photo20201218Gorkha5

नागरिक साझा सवाल गोरखाका संयोजक तथा अधिवक्ता स्थानेश्वर दवाडीले कोभिड –१९ परीक्षणको दायरा मात्र घटेको तर जोखिम कायम रहेको बताउनुभयो ।

‘कोरोना महामारी जोखिम न्यूनिकरण भइसकेको अवस्था छैन,’–उहाँले भन्नुभयो,–‘जाडो मौसम सुरु भएको छ, सरकारले सबै क्षेत्रमा खुकुलो बनाउदै गएको छ, जाडो मौसममा सङ्क्रमणको जोखिम अझै बढी हुन्छ भनिएको छ, यस्तो बेला सचेतना अपनाउने र राज्यलाई घचघच्याउन काममा पत्रकार र नागरिक समाजको भूमिका आवश्यक छ ।’

होम आइसोलेशनमा रहेका सङ्क्रमितलाई  आवश्यक रेखदेख नपुगेको उहाँले बताउनुभयो । ‘सामूहिक आइसोलेशन हटाइयो, होम आइसोलेशनमा बसेकाहरुलाई सरोकारवाला निकायले निगरानी गरेका छैनन,’–उहा“ले भन्नुभयो ।

गैरसरकारी संस्था महासङ्घका अध्यक्ष सिताराम श्रेष्ठल गाउँगाउँमा कोभिड –१९ जोखिम न्यूनिकरणका लागि सचेतनामुलक कार्यक्रम गर्नुपर्नेमा जोड दिनुभयो ।

पत्रकार महासंघ गोरखाका अध्यक्ष किशोर जंग थापाले परीक्षण गर्न चाहन्छु भन्नेले पनि कोभिड –१९ परीक्षण गर्न नपाउने अवस्था आएको बताउनुभयो ।

‘दबाब आवश्यक छ, पैसा तिरेर कोभिड –१९ परीक्षण गर्छु भन्नेलाई परीक्षणको वातावरण बनाउनुपर्याे,’–थापाले भन्नुभयो,–‘परीक्षणको दायरा घटेको छ, यसले भोलिका दिनमा भयावय अवस्था नआउला भन्न सकिन्न ।’

स्थानीय तहले कोभिड –१९ न्यूनिकरणका लागि कति खर्च गरे सार्वजनिक गर्नुपर्ने महिला मानव अधिकार सञ्जालकी संयोजक सावित्रि भट्टले बताउनुभयो ।

सबै स्थानीय तहमा कोभिड–१९ महामारी नियन्त्रणमा एकरुपता नभएको मानव अधिकार तथा शान्ति समाजका सिताराम तिवारीले बताउनुभयो ।

photo20201218Gorkha6

हरिराम उप्रेती