नेपाल मानव अधिकार वर्ष पुस्तक २०२१ प्रकाशन पूर्व वार्षिक समीक्षा सम्पन्न

  ०७७ पुस ५ गते

नेपाल मानव वर्ष पुस्तक २०२१ का सङ्कलित घटनाहरूमाथि पुस ५ गते समीक्षा सम्पन्न भएको छ ।

इन्सेक ताप्लेजुङको आयोजनामा सन् २०२० को जनवरी १ देखि डिसेम्बर १५ सम्म सङ्कलन गरिएका घटनाहरूमाथि समीक्षा गरिएको हो ।

इन्सेक प्रतिनिधिले नेपाल मानव अधिकार वर्ष पुस्तक २०२१ को प्रकाशन पूर्व जिल्लामा ११ महिनाको अवधिमा ३४ ओटा मानव अधिकारसँग सम्बन्धित घटनामाथि समीक्षा भएको छ ।

३४ ओटा घटनामध्ये २१ वटा बलात्कार, ६ ओटा बहुविवाह,जातीय भेदभावको एक ओटा, दुव्र्यवहारको एक ओटा र आत्महत्या दुरूत्साहनका एक ओटा घटनामा सरोकारवालाबीच छलफल भएको छ ।

कार्यक्रममा जिल्ला समन्वय समिति प्रमुख घनेन्द्र मादेनले इन्सेकले मानव अधिकारका घटना पुस्तकमा अभिलेख गर्ने भएकाले सत्यतथ्य हुनुपर्नेमा जोड दिनुभयो । उहाँले इन्सेकको पुस्तक मानव अधिकारको दस्तावेज भएको बताउनु भयो ।

प्रमुख जिल्ला अधिकारी झरेन्द्रप्रसाद चापागाईँले इन्सेकले सहायता चाहिएका नागरिकहरूको विषयमा प्रशासनलाई गराएको ध्यानाकर्षणप्रति प्रशासन गम्भीर रहेको बताउनु भयो ।

प्रजिअ चापागाईँले जिल्लामा सेभ हाउस बनाउन,आर्थिक अवस्था कमजोर परिवारका सदस्यलाई सेफ होम पठाउन र मानव अधिकारको वकालतको विषयमा इन्सेकले खेलेको भूमिका प्रति धन्यबाद ज्ञापन गर्नुभयो ।

जिल्ला प्रहरी कार्यालयका डिएसपी महेन्द्रकुमार श्रेष्ठले इन्सेक र प्रहरीको तथ्याङ एउटै जस्तो भएको टिप्पणी गर्नु भयो ।

जिल्ला शिक्षा विकास तथा समन्वय इकाईका प्रमुख योगेश्वर भट्टराईले स्यानेटरी प्याड वितरणको विषयमा आफूले सम्बन्धित विद्यालयसँग बुझ्ने काम जारी राखेको बताउनु भयो ।

समीक्षा कार्यक्रममा जनप्रतिनिधि,राजनितिक दल,मानव अधिकारकर्मी,पत्रकार,विभिन्न संस्थाका प्रतिनिधि लगायतको उपस्थिति थियो ।

Photo 20201220 YB Taplejung (1) Photo 20201220 YB Taplejung (2) Photo 20201220 YB Taplejung (3) Photo 20201220 YB Taplejung (4)

देवराज गुरुङ