नेपाल मानव अधिकार वर्ष पुस्तकको प्रकाशन पूर्व अर्धवार्षिक समीक्षा सम्पन्न

  ०७६ असार १८ गते

अनौपचारिक क्षेत्र सेवा केन्द्र (इन्सेक) को आयोजनमा सिरहा जिल्लामा नेपाल मानव अधिकार वर्ष पुस्तक २०२० को प्रकाशन पूर्व अर्धवार्षिक समीक्षा कार्यक्रम सम्पन्न भएको छ ।

Photo20190703Siraha (3)

इन्सेक जिल्ला प्रतिनिधि दुर्गा परियारले असार १८ गते आयोजित कार्यक्रममा सन २०१९ को ६ महिनाको जिल्लाको मानव अधिकारको अवस्थाको प्रतिवेदन प्रस्तुत गरेका थिए ।

प्रस्तुत प्रतिवेदनमा जिल्लामा बलात्कारको घटनामा बृद्धि हुँदै गएको र महिला तथा बालबालिकाहरू पीडित हुने क्रम बढेको जिल्ला प्रतिनिधि परियारले उल्लेख गरेका थिए ।

Photo20190703Siraha (1)

प्रस्तुत प्रतिवेदनमा ६ महिनामा ५२ ओटा मानव अधिकार उल्लङ्घन तथा ज्यादतीका घटनाहरू अभिलेख छन । जसमध्ये बलात्कारको घटना २३ ओटा, बहुविवाहको घटना १० ओटा, महिला हत्याका घटना तीन ओटालगायतका घटनाहरू छन् ।

अन्यपक्षबाट भएका ४९ ओटा घटनाहरूमा ४७ जना महिला र दुई जना पुरूष गरी ४९ जना पीडित भएका छन भने तीन ओटा राज्य पक्षका घटनामा तीन जना पीडित भएको प्रस्तुत प्रतिवेदनमा उल्लेख छ ।

Photo20190703Siraha (4)

मानव अधिकार संरक्षण केन्द्र सञ्जालको समन्वयमा सञ्चालित कार्यक्रममा लहान नगरपालिकाकी उपपमुख सरियार चौधरीले महिला, बालबालिकाहरू बढी पीडित हुने गरेको बताइन् । न्यायिक समितिमा आउने समस्याहरू सङ्घसंस्था, प्रहरीहरूको सहयोगमा मिलापत्र गराउने गरेको बताइन् ।

Photo20190703Siraha (6)

जिल्ला प्रहरी कार्यालय सिरहाका एसपी उमापसाद चतुर्वेदीले इन्सेकले प्रकाशन गर्ने मानव अधिकार वर्ष पुस्तकबाट हामीले सिक्ने गरेको बताए ।

प्रहरी ऐन अनुसार अपराध अनुसन्धान, शान्ति सुरक्षाको जिम्मेवारी भए पनि प्रहरीले हरेक क्षेत्रमा काम गर्नु परेको बताए ।

Photo20190703Siraha (2)

जिल्लामा भएका घटनाहरूलाई आफूले गम्भीररूपमा लिएको र सबैको सहकार्यमा यस्ता घटनाहरू विरूद्ध अभियान तीव्र रूपमा सञ्चालन गर्ने एसपी चतुर्वेदीले बताए ।

इलाका प्रहरी कार्यालय लहानका डिएसपी भेषराज रिजालले मानव अधिकार वर्ष पुस्तकले राष्ट्रियदेखि अन्तर्राष्ट्रिय स्तरसम्म मान्यता पाएकोले यसमा समावेश हुने प्रतिवेदनहरूको महत्व रहेको बताए ।

सामाजिक अपराधहरूमा बृद्धि भएकोले यस्ता अपराधहरूमा आफैँ सजग हुनु पर्ने बताए । घटनाहरू बढ्दै जानु भनेकै सङ्घसंस्थाहरूले आफनो अभियान तिब्र बनाएकोले हो यसको न्यूनीकरणमा पनि सबैको सहकार्य आवश्यक रहेको बताए ।

दुर्गा परियार