नेपाल मानव अधिकार वर्षपुस्तक-२०१८ का लागि सङ्कलित घटनाको सम्पादन भेला सुरू

  ०७४ पुस २४ गते

अनौपचारिक क्षेत्र सेवा केन्द्र (इन्सेक) काठमाडौँको आयोजनामा दुई दिने नेपाल मानव अधिकार वर्षपुस्तक २०१८ को वार्षिक सम्पादन भेला पुस २४ गतेबाट धुलिखेलमा सुरू भएको छ ।

Photo20180108Kabhre

प्रदेश नम्बर २ र ३ का इन्सेक प्रतिनिधिहरूको सहभागिता रहेको भेलामा प्रत्येक जिल्लामा सन् २०१७ मा अभिलेख गरिएका घटना सम्पादन गरिन्छ ।

भेलामा इन्सेकका कार्यकारी निर्देशक विजयराज गौतमले विवादरहित ढङ्गले तथ्यपरक रूपमा सङ्कलित घटनाहरूको अभिलेख र सम्पादन गर्न सुझाए । उनले इन्सेकका जिल्ला प्रतिनिधिहरूलाई वर्षमा प्राथमिकरण गर्नुपर्ने र समेट्नुपर्ने कुनै पनि घटना नछुटोस् भन्नेमा सजगता अपनाउन आग्रह गरे ।

इन्सेक क्षेत्रीय कार्यालय काठमाडौँका संयोजक कृष्ण गौतमले आर्थिक, सामाजिक र सांस्कृतिक अधिकार, विकासको अधिकार र नियमित रूपमा सङ्कलन र अभिलेखिकरण गर्दै आएका विषयलाई छुटाउन नहुने बताए ।

भेलामा इन्सेक केन्द्रीय कार्यालय प्रलेख शाखाका गोविन्द त्रिपाठी, इन्सेक क्षेत्रीय कार्यालयका गणेश भण्डारी, राजु पासवानलगायत १९ जिल्लाका प्रतिनिधिहरूको सहभागिता रहेको छ ।

भेलामा सहभागि जिल्लाका प्रतिनिधिहरूले नेपाल मानव अधिकार वर्षपुस्तकका लागि जिल्लाको प्रतिवेदन तयार गर्नुका साथै सन् २०१७ को मानव अधिकार अवस्थाको विश्लेषण गर्नेछन् ।

भोजराज तिमल्सिना