नागरिक समाज र स्थानीय सरकारबीच सहकार्य अपरिहार्य: सरोकारवालाहरु

  ०७५ साउन १३ गते

वर्तमान परिप्रेक्षमा नागरिक समाज र स्थानीय सरकारबीचको सहकार्य अवसर र चुनौति विषयक छलफल कार्यक्रममा सरकोकारवालाहरूले नागरिक समाज र सरकारबीच सहकार्य अपरिहर्य रहेको बताएका छन् । अनौपचारिक क्षेत्र सेवा केन्द्र (इन्सेक)को आयोजनामा साउन १३ गते कालिकास्थानमा गरिएको कार्यक्रममा सहभागीहरूले यस्तो कुरा बताएका हुन् ।

कार्यक्रममा कालिका गाउँपालिका उपाध्यक्ष तथा न्यायिक समितिका संयोजक भवानीप्रसाद न्यौपानेले मानव अधिकार क्षेत्रमा काम गरिरहेको संस्थाले वर्तमान परिप्रेक्ष्यमा नागरिक समाज र स्थानीय सरकारबीचको सहकार्य अवसर र चुनौति विषयक छलफल कार्यक्रम राखेर निकै राम्रो सुरूवात गरेको बताउँदै नागरिक समाज र स्थानीय सरकार एकै रथका दुई पाङ्ग्रा भएकाले धेरै विषयमा सहकर्य गरेर अघि बढ्नु पर्ने बताए ।

उनले सही र गलत काममा सर्मथन र विरोध गर्न पाउने बताउँदै आआफ्नो दम्भ र घमण्ड नगरी सहकार्य गरेर अघि बढ्नु पर्ने बताए ।

एफएचआई ३६० र युएसएडसँगको सहकार्यमा सञ्चालित पारस्परिक जबाफदेहिता परियोजना अन्तर्गत आयोजित कार्यक्रमलाई सम्बोधन गर्दै कालिका गाउँपालिका प्रमुख प्रशासकीय अधिकृत मोहनकुमार श्रेष्ठले नागरिक समाजले सरकारलाई सहयोग गर्ने, सरकार र नागरिकबीच समन्वय गर्ने र नागरिक शसक्तीकरण गर्ने भूमिका रहने बताए ।

स्थानीय सरकारले नीतिगत रूपमा सहयोग गर्ने, उपभोक्ता समितिलाई सक्षम बनाउने काम गर्न सक्ने बताए ।

त्यसैगरी जिल्ला समन्वय समितिका कार्यक्रम अधिकृत लीलानाथ नेपालले लामो समयपछि स्थानीय तहले जनप्रतिनिधि प्राप्त गरेकाले नागरिककेन्द्रीत काम गरिने बताए ।

हेमनाथ खतिवडा