इन्सेक गतिविधि

०७५ पुस २४ गते

जनता जागरूक र सेवाप्रदायक उत्तरदायी बन्नुपर्नेमा जोड

शिक्षा, स्वास्थ्य र खाद्य अधिकार प्राप्तिका लागि जनता जागरुक र सेवाप्रदायक उत्तरदायी बन्नुपर्ने विषयमा एक कार्यक्रमका सहभागीहरूले जोड दिएका छन् ।

इन्सेक कर्णाली प्रदेश कार्यालय सुर्खेतद्वारा पुस २४ गते सम्पन्न “स्थानीय समुदायको शिक्षा, स्वास्थ्य तथा खाद्य अधिकारका लागि जिम्मेवार निकायलाई उत्तरदायी बनाउनका लागि पहल” कार्यक्रमको परिचय तथा मानव अधिकार निगरानी समूह गठन कार्यक्रमका सहभागीहरूले सो कुरामा जोड दिएका हुन् ।

सहभागीहरूले संविधानमा प्रत्याभूत गरिएका शिक्षा, स्वास्थ्य तथा खाद्य अधिकारको बारेमा जिम्मेवार निकायलाई उत्तरदायी बनाउन नागरिक समाज, अधिकारकर्मी, सञ्चारकर्मी र सेवाग्राहीले सकारात्मक दबाव दिनुपर्ने उल्लेख गरे ।

कार्यक्रममा वीरेन्द्रनगर नगरपालिकाका उपप्रमुख मोहनमाया ढकालले स्थानीय समुदायको शिक्षा, स्वास्थ्य तथा खाद्य अधिकारका लागि जिम्मेवार निकायलाई उत्तरदायी बनाउनका लागि पहल कार्यक्रमलाई नगरपालिकाले आफनै कार्यक्रमको रूपमा लिएको र यसलाई सफल बनाउन समन्वय र सहकार्य गर्ने प्रतिबद्धता जनाइन् ।

उपप्रमुख ढकालले इन्सेकले विगतमा मानव अधिकार संरक्षण सम्बद्र्धनमा पु¥याएको योगदानको चर्चा गर्दै जनताका शिक्षा, स्वास्थ्य र खाद्य अधिकार परिपूर्ति गर्नेतर्फ प्रभावकारी काम गर्ने अपेक्षा राखेको बताइन् ।

इन्सेक कर्णाली प्रदेश संयोजक नारायण सुवेदीले परियोजनाको संक्षिप्त परिचय, उद्धेश्य, लाभान्वित र लक्षित समुदाय, योजना गरिएका क्रियाकलाप तथा कार्यक्षेत्रका विषयमा जानकारी गराएका थिए ।

कार्यक्रममा वीरेन्द्रनगर नपा–११ का वडाध्यक्ष नन्दलाल शर्मा, १० का वडाअध्यक्ष रत्नबहादुर बुढा, २ का वडाअध्यक्ष बलबहादुर रोकाय, जिल्ला बार एशोसियसनका अध्यक्ष नन्द भण्डारी, गैरसरकारी संस्था महासङ्घ सुर्खेतका अध्यक्ष घनश्याम केसी र वीरेन्द्रनगर नपाका स्वास्थ्य प्रमुख उदय थापालगायतले कार्यक्रम समय सापेक्ष र प्रभावकारी रहेको बताए ।

संयोजक सुवेदीले परियोजनाले महिला, दलित, जनजाति, पछाडि पारिएका अन्य समुदायको शिक्षा, स्वास्थ्य र खाद्य अधिकारका विषयमा स्थानीय तहसँग समन्वय र सहकार्य गरी सेवा प्रभावमा सहज बनाउन बहस पैरवी गर्ने बताए ।

यसैबीच सोही कार्यक्रममा लक्ष्मी शर्माको संयोजकत्वमा ११ सदस्यीय मानव अधिकार निगरानी समूह गठन गरिएको छ ।

समानुपातिक र समावेशीताको आधारमा गठन गरिएको समूहको सदस्यहरूमा शशीराम आचार्य, वृखलाल राजी, रुपा चौधरी, समीना बानु, शोभा बिक, सम्झना सुनार, गोमा शाही, तारा वादी र लीला चौधरी रहेका छन् ।

photo20190108surkhet (1)

photo20190108surkhet (2)

दुर्गा थापा

इन्सेक गतिविधिहरू

शिक्षा, स्वास्थ्य र खाद्य अधिकार विषयक अन्तरक्रिया सम्पन्न

इन्सेकले सञ्चालन गर्दै आएको शिक्षा, स्वास्थ्य र खाद्य अधिकारसम्बन्धी परियोजना ....

प्रभावकारी विकासका लागि नागरिक समाज र सञ्चार जगतको सहकार्य आवश्यक

अनौपचारिक क्षेत्र सेवा केन्द्र (इन्सेक) को आयोजनामा पारस्पारिक जवाफदेहिता परिय....

शिक्षक, अभिभावक र विद्यार्थीहरुबिच अन्तरक्रिया सम्पन्न

मानव अधिकार निगरानी समूह फेदिखोला गाउँपालिकाको आयोजनामा शिक्षक अभिभावक र विद्य....

उपभोक्ता सचेत नभएसम्म गुणस्तरीय बस्तु र सेवा उपभोगमा समस्या

उपभोक्ता सचेत नभएसम्म गुणस्तरीय बस्तु र सेवा उपभोगमा समस्या रहिरहने एक कार्यक्....

शिक्षा, स्वास्थ्य र खाद्य अधिकारलाई स्थापित गर्ने सेवा प्रदायकको प्रतिबद्धता

अनौपचारिक क्षेत्र सेवा केन्द्र (इन्सेक) प्रदेश १, कार्यालय विराटनगरले बाहृदशी ....






Top