खाद्य अधिकारमा गाउँपालिका प्रतिबद्धः अध्यक्ष चौधरी 

  ०७५ असोज २० गते

खाद्य अधिकारको सवालमा गाउँपालिका गम्भीर रहेको पटेर्वा गाउँपालिकाका अध्यक्ष हरिनारायण चौधरीले बताए ।

पर्टेवा गाउँपालिकामा अनौपचारिक क्षेत्र सेवा केन्द्र (इन्सेक) प्रदेश २ जनकपुरद्वारा जनप्रतिनिधि र मानव अधिकार निगरानी समूहका सदस्यहरूका लागि आयोजित क्षमता अभिबृद्धि तथा अभिमूखीकरण तालिममा अध्यक्ष चौधरीले सो बताएका हुन् । तालिम दुई दिनसम्म सञ्चालन गरिने छ ।

चौधरीले गाउँपालिकामा शिक्षा, स्वास्थ्य र खाद्य अधिकारको क्षेत्रमा देखिएका समस्याहरूलाई निराकरण गर्नका लागि मानव अधिकार निगरानी समूहको भूमिका महत्वपूर्ण रहने बताए ।

जनप्रतिनिधि नआएको समयमा मानव अधिकार निगरानी समूहले शिक्षा, स्वास्थ्य र खाद्य अधिकारको क्षेत्रमा गरेको विभिन्न क्रियाकलापकाले पारेका प्रभावका कारण सो क्षेत्रमा सुधार आएको उनको भनाई छ ।

तालिममा इन्सेक अभियान, मानव अधिकार अवधारणा, विकास, विकासको सैद्धान्तिक अवधारणा, स्थानीय स्तरमा देखिएका शिक्षा, स्वास्थ्य र खाद्य अधिकारका सवाल, अवस्था विश्लेषण, संविधान र मौलिक हक तथा आर्थिक सामाजिक एवम् सांस्कृतिक अधिकार र जनताको पहुँचको विषयमा सहजीकरण गरिने इन्सेक प्रदेश २ जनकपुर कार्यालयका कार्यक्रम फोकल पर्सन जागेश्वर यादवले बताए ।

तालिममा इन्सेक प्रदेश २ का संयोजक राजु पासवान, कार्यक्रम फोकल पर्सन यादव, पर्सा जिल्ला प्रतिनिधि केसी लामिछाने र पर्टेवा गाउँपालिकाका प्रमुख प्रशासकीय अधिकृत सरोजकुमार चौधरीले सहजीकरण गर्ने फोकल पर्सन यादवले बताए ।

photo20181006parsa (1)

1

1

1

1

1

केसी लामिछाने