इन्सेक गतिविधि

०७५ फागुन २८ गते

इन्सेकद्वारा सञ्चालित परियोजना तथा गतिविधिको अनुगमन

जिल्लामा इन्सेकद्वारा सञ्चालित परियोजना तथा गतिविधिको अनुगमन तथा मुल्याङ्कन गर्न फागुन २७ गते अनुगमन टोलीले परियोजना सञ्चालित क्षेत्रमा पुगी अन्रक्रिया गरेको छ ।

टोलीले बैजनाथ गाँउपालिका–१ चिसापानीमा मानव अधिकार निगरानी समूह र निर्वाचित जनप्रतिनिधिहरूसँग अन्तरक्रिया गरेको हो ।

ब्रेड फर द वल्र्डका प्रतिनिधि फ्रान्सिस्काले नेपालको राजनीतिक परिवर्तन बारेमा विभिन्न समाचार माध्यममार्फत आपूm जानकार रहेको बताउँदै जनप्रतिनिधिहरूलाई बधाई ज्ञापन गरिन् । उनले समस्या पहिचान गर्ने आधार र स्थानीय समूहहरूसँग काम गर्ने तरिकाका बारेमा जानकारी लिएकी थिइन् ।

वडा अध्यक्ष रूपबहादुर मल्लले इन्सेकद्वारा गठित मानव अधिकार निगरानी समूहसँग सहकार्य गरेर काम गरिरहेको बताउँदै निगरानी समूहलाई समय सापेक्ष क्षमता अभिवृद्धि गर्नुपर्ने सुझाव दिएका थिए ।

इन्सेक प्रदेश ५ का संयोजक भोला महतले मानव अधिकार निगरानी समूहले गरेका काम र आएका चुनौतीका बारेमा धारणा राख्न सहभागीहरूले सुझएका थिए ।

इन्सेक केन्द्रीय कार्यालयका कार्यक्रम प्रमुख सुवेच्छा खड्काले सहजीकरण गर्नुको साथै शिक्षा, स्वास्थ्य र खाद्य अधिकारका सवालमा मानव अधिकार निगरानी समूहले गरेका कामहरूको बारेमा जानकारी लिएका थिए ।

मानव अधिकार निगरानी समूहका पदाधीकारी र वडा कार्यालयका जनप्रतिनिधिहरूले आफ्नो भनाइ राख्दै कार्यक्रमको निरन्तरताका लागि आग्रह गरेका थिए ।

मानव अधिकार निगरानी समूहका संयोजक चित्रप्रसाद शर्माले निगरानी समूहले गरेका कामहरूका बारेमा जानकारी गराएका थिए ।

त्यसैगरी सुर्योदय माविका सहायक प्रधानाध्यापक सुमित्रा न्यौपाने, रारा आवासिय माध्यामिक विद्यालयका प्रधानाध्यापक मानबहादुर खड्काले इन्सेकद्वारा सञ्चालित कार्यक्रमले विद्यालय र विद्यार्थीहरूमा परेको प्रभावका बारेमा जानकारी गराएका थिए ।

उनीहरूले समुदायमा बालविवाह समस्याका रूपमा रहेको बताएका थिए । यसैगरी टोलीले बैजनाथ गाँउपालिकाका अध्यक्ष र उपाध्यक्षसँग भेटघाट गरी मानव अधिकार अवस्थाका बारेमा जानकारी लिएको थियो ।

टोलीमा जर्मनकी फ्रान्सिस्का, भारत नोयडाकी मोहीनी चौधरी, इन्सेक प्रदेश संयोजक भोला महत, इन्सेक केन्द्रीय कार्यालयकी सुवेच्छा खड्का, फोकल पर्सन सरस्वती मल्ल रहेका थिए । त्यसैगरी टोलीमा फियान नेपालका कार्यकारी निर्देशक अशोक सिंह, क्षेत्रीय संयोजक सुरेश गौतमको पनि सहभागिता रहेको थियो ।
इन्सेक प्रदेश ५ कार्यालय, नेपालगञ्ज

इन्सेक गतिविधिहरू

शिक्षक, अभिभावक र विद्यार्थीहरुबिच अन्तरक्रिया सम्पन्न

मानव अधिकार निगरानी समूह फेदिखोला गाउँपालिकाको आयोजनामा शिक्षक अभिभावक र विद्य....

उपभोक्ता सचेत नभएसम्म गुणस्तरीय बस्तु र सेवा उपभोगमा समस्या

उपभोक्ता सचेत नभएसम्म गुणस्तरीय बस्तु र सेवा उपभोगमा समस्या रहिरहने एक कार्यक्....

शिक्षा, स्वास्थ्य र खाद्य अधिकारलाई स्थापित गर्ने सेवा प्रदायकको प्रतिबद्धता

अनौपचारिक क्षेत्र सेवा केन्द्र (इन्सेक) प्रदेश १, कार्यालय विराटनगरले बाहृदशी ....

इन्सेकद्वारा सञ्चालित परियोजना तथा गतिविधिको अनुगमन

जिल्लामा इन्सेकद्वारा सञ्चालित परियोजना तथा गतिविधिको अनुगमन तथा मुल्याङ्कन गर....

सेवा प्रदायक र सेवाग्राहीबीच अन्तरक्रिया कार्यक्रम सम्पन्न

इन्सेक सुदूरपश्चिम प्रदेश कार्यालय,धनगढीको आयोजनामा अजयमेरू गाउँपालिकामा इएलपी....






Top