इन्सेकद्वारा शैक्षिक सामग्री प्रदान

  ०७७ माघ २९गते

अनौपचारिक क्षेत्र सेवा केन्द्र (इन्सेक) सुर्खेतले वीरेन्द्रनगर नपा– १२ स्थित अम्मर ज्योति नमूना माविमा अध्ययनरत अविभवाक विहिन २० जना बालबालिकाहरूलाई शैक्षिक सामग्री प्रदान गरेको छ ।

बाल अधिकारमैत्री वातावरण प्रबद्र्धन गर्ने उद्देश्यले इन्सेकले माघ २८ गते सो माविमा कक्षा ४ देखि ८ कक्षासम्म अध्ययनरत अविभावक बिहिन तथा सिमान्तकृत समुदायका २० जना बालबालिकाहरूलाई जनहि एक दर्जन कापि, एक दर्जन डटपेन र ज्यामिट्री बक्स प्रदान गरिएको इन्सेक कर्णाली प्रदेश कार्यालयका फोकल पर्सन दिलबहादुर चौधरीले जानकारी दिनुभयो ।

शैक्षिक सामग्री वितरण गर्दै इन्सेक कर्णाली प्रदेश कार्यालय सुर्खेतका संयोजक नारायण सुवेदीले फिनल्याण्डका बालबालिकाहरूले खाजा तथा पारिश्रमिक बापत प्राप्त गरेको रकमबाट यस माविमा अध्ययनरत अविभावक बिहिन र सिमान्तकृत समुदायका बालबालिकाहरूलाई शैक्षिक सामग्री वितरण गरिएको बताउनु भयो ।

अम्मर ज्योति नमूना माविका प्रधानाध्यापक खगेन्द्र थापाले अविभावक विहिन तथा सिमान्तकृत समुदायका बालबालिकाहरूको अध्ययन दिगोपनाको लागि सहयोग पुग्ने बताउनु भयो ।

कार्यक्रममा शिक्षक र विद्यार्थीहरूको उपस्थिती रहेको थियो ।

20210211 Surkhet 1

20210211 Surkhet 2

दुर्गा थापा