प्रेस विज्ञप्तिहरू

२०७६ जेठ १० गते

शोक वक्तव्य

राष्ट्रिय मानव अधिकार आयोगका पूर्व अध्यक्ष एवम् पूर्व प्रधानन्यायाधीश नयनबहादुर खत्रीको ९९ वर्षको उमेरमा जेठ १० गते निधन भएको खबरले हामीलाई दुःखी तुल्याएको छ । दुःखको यस घडीमा दिवङ्गत आत्माको चीर शान्तिको कामना गर्दै शोक सन्तप्त परिवारजनप्रति समवेदना व्यक्त गर्दछौँ ।

राष्ट्रिय मानव अधिकार आयोगको संस्थापक अध्यक्षको जिम्मेवारी सम्हाल्नुभएका खत्रीले आयोगको क्षमता अभिवृद्धि तथा पहिचानलाई व्यापक बनाउन ठूलो भूमिका खेल्नु भएको थियो । मानव अधिकार र सामाजिक न्यायको अभियानमा स्व. खत्रीले पुर्‍याउनु भएको योगदानको स्मरण भइरहनेछ ।

डा.इन्दिरा श्रेष्ठ

अध्यक्ष