२०७४ साउन १८ गते

 

२०७४ साउन १८ गते

हार्दिक श्रद्धाञ्जलि

सिनो बहिष्कार र भूमिहीन हरूवा चरुवा आन्दोलनका अगुवा नेता सुरुङ्गा नपा-४ मधुपट्टि कनकपुर, सप्तरीका ६७ वर्षीय बलदेव रामको साउन १७ गते विहान निधन भएको खबरले हामीलाई दुःखी तुल्याएको छ । दिवङ्गत आत्माको चिरशान्तिको कामना गर्दै शोकसन्तप्त परिवारजनमा हार्दिक समवेदना व्यक्त गर्दछौँ ।

सप्तरीको दौलतपुर गाविसमा २०५६ सालमा कथित दलितहरूले सिनो फाल्नै पर्ने सामाजिक बाध्यताका विरुद्ध आन्दोलनको अगुवाइ गरेका रामले तराईका जिल्लामा सिनो फाल्नुपर्ने कुरीतिजन्य प्रथाविरुद्ध जेहाद छेड्नुभएको थियो । राष्ट्रिय भूमि अधिकार मञ्च, जनचेतना दलित सङ्गम मधुपट्टि र हरूवा चरुवा अधिकार मञ्चको संस्थापक अध्यक्ष राम उच्च स्तरिय भूमिसुधार आयोग २०६५ को सदस्यसमेत रहनुभएको थियो ।

रामको निधनले नेपालको दलित आन्दोलनलाई अपुरणीय क्षति पुगेको छ । उहाँले देखाउनुभएको बाटोमा हिँड्नु नै उहाँप्रतिको सच्चा श्रद्धाञ्जलि हुनेछ ।

Subodh_Nepali_Sign

सुबोधराज प्याकुरेल

अध्यक्ष