२०७४ जेठ १ गते

  २०७४ जेठ १ गते

मिति–२०७४ जेठ १ गते

 

मतगणना स्थलको सङ्ख्या थप्न अनुरोध

 

अनौपचारिक क्षेत्र सेवा केन्द्र (इन्सेक) को निर्वाचन पर्यवेक्षण टोलीले जेठ १ गते काठमाडौँ महानगरपालिका, ललितपुर महानगरपालिकाका साथै विभिन्न नगरपालिकाको मतगणनास्थलको अनुगमन गरेको छ । ठूलो सङ्ख्यामा मत खसेको यी महानगरलगायत देशका अन्य जिल्लामा जारी रहेको मतगणना प्रकृया असाध्यै सुस्त रहेको पाइयो । मतगणना प्रकृया यही गतिमा जारी राखिने हो भने सम्पूर्ण मतपरिणाम घोषणा हुन महिनौँ लाग्नसक्छ । निर्वाचन सकिएको चौबीस घण्टामा भएको मतगणनाको प्रगतिले यही कुरालाई सङ्केत गर्छ ।

मतगणना छिटो छरितोरुपमा सम्पन्न गर्न वार्डअनुसारका मत बाकसको गणना गर्ने  व्यवस्था मिलाउन जरुरी हुन्छ । सफलतापूर्वक निर्वाचन सम्पन्न गर्नसक्ने क्षमता राखेको निर्वाचन आयोगले मतगणना प्रकृयालाई पनि सहज बनाउन तथा यथाशक्य छिटो मत परिणाम घोषणा गर्नेतर्फ ध्यान केन्द्रित गर्न अनुरोध छ । साथै मतगणना प्रकृया सहज बनाउन निर्वाचन आयोगसँग सहकार्य गर्न राजनीतिक दलहरुलाई अनुरोध गर्दछौँ ।

Subodh_Nepali_Sign

सुबोधराज प्याकुरेल

अध्यक्ष