०७४ असोज ३० गते

 

मिति- २०७४ असोज ३० गते

प्रेस विज्ञप्ति

संयुक्त राष्ट्रसङ्घको ७२ औँ महासभाले नेपाललाई मानव अधिकार परिषद्मा निर्वाचित गरेको छ । यस सफलताका लागि हामी नेपाल सरकार र सम्पूर्ण नेपालीमा  हार्दिक बधाई ज्ञापन गर्दछौँ । संयुक्त राष्ट्रसङ्घका सदस्य राष्ट्रमध्ये कुल ४७ देशका प्रतिनिधि रहने मानव अधिकार परिषद्मा नेपाललगायत १५ नयाँ देशले प्रतिनिधित्व गर्ने अवसर पाएका छन् । मानव अधिकार परिषद् विश्वभरको मानव अधिकारको संरक्षण र प्रवर्द्धन गर्ने संयुक्त राष्ट्रसङ्घीय निकाय हो । नेपाल सन् २०१८ देखि २०२० कार्यकालका लागि एशियाली समूहबाट निर्वाचित भएको हो ।

नेपालले अन्तर्राष्ट्रियस्तरमा मानव अधिकारको क्षेत्रमा गरेको प्रतिबद्धता नै निर्वाचित परिषद्मा निर्वाचित हुने अवसर भएको हामीले ठानेका छौँ । नेपालको छवि अन्तर्राष्ट्रिय मञ्चमा बढाउन यसले भूमिका निर्वाह गर्नेछ ।

नेपाल संयुक्त राष्ट्रसङ्घद्वारा पारित गरिएका मानव अधिकारसँगसम्बन्धी महत्वपूर्ण सन्धि। महासन्धिको पक्षराष्ट्र हुनुका साथै यसले मानव अधिकारप्रतिको सम्मान र प्रतिबद्धता जाहेर गर्दै आएको छ । नेपाल सरकारले अन्तर्राष्ट्रियस्तरमा मानव अधिकारप्रति जनाएको प्रतिबद्धताहरूको पालना तथा राष्ट्रिय जिम्मेवारीका बारेमा नेपाल सरकार अझ जागरुक हुनसके यो सफलताको महत्व प्रगाढ हुनेमा हामी विश्वस्त छौँ ।

सुबोधराज प्याकुरेल

अध्यक्ष