प्रतिबन्धित नेकपाका नगर इन्चार्ज गिरफ्तार

  ०७६ फागुन १ गते

नेत्रविक्रम चन्द (विप्लव) नेतृत्वको प्रतिबन्धित नेपाल कम्युनिष्ट पार्टीका बागलुङ नगर इन्चार्ज ५५ वर्षीय मुरारी पौडेललाई जिल्ला प्रहरी कार्यालय बागलुङले फागुन १ गते गिरफ्तार गरेको छ ।

बागलुङ नपा–४ कुडुलेका पौडेलको मोबाइलमा प्रतिबन्धित पार्टीका नेता र कार्यकर्ताहरुसँग खिचेको तस्बिर, बैठक तथा कार्यक्रम प्रचार प्रसारका तस्बिर र पर्चाहरु फेला परेको जिल्ला प्रहरी कार्यालय बागलुङका इन्स्पेक्टर हेम के.सी ले बताउनुभयो ।

उहाँले पौडेलको स्वास्थ्य परीक्षण धौलागिरी अञ्चल अस्पताल बागलुङमा गरिएको र थप अनुसन्धानको लागि  हिरासतमा राखिएको  जानकारी दिनुभयो ।

 

 


सिर्जना पन्त